• ANGILGAIT

• TUGAAKVIA
• KINIKHIATJUTIT
• TAKULUGIT
• AKIGAKTUUTAIT
• KIUVIKHAIT

• ENGLISH
• ᐃᓄᒃᑎᑐᑦ
• FRANÇAIS

Tuhagutikhait

Hunauyuk Nunavumi Inuit Nangminiigutikhait Pikuyakyuak?

Nunavumi Inuit Nangminiigutikhait Pikuyakyuak (Pikuyakyuak) angiktauhimayuk Akigaktuuligutainik Maligaliukvimit November 5mi, 2003. Pikuyakyuak munaginiaktok aatjikutiligiugutikhainik nangminiigutikhainik Nunavumiut ovalo aniktitailigutikhainik aatjikutainut pilaaktakhainik tamamik ovalo tamaat inuuhitiaguitikhainik inminik ihuinaangilugit ovalo ikhitaangilugit. Pikuyakyuakhak hanahimayuk Nunavumi Inuit Nangminiigutikhait Akigaktituiyinik nani Nunavumiut takuyaktulaaktait ihuinaaktitauhimaligumik ovaluniit ikhitaaktitiugumik kinamit, businiinit, havakviinit ovaluniit kavamatkunit.

Atugutikhait Pikuyakhakhat piniaktut ilanganut Inuit Qaujimajatuqangit (IQ) ilanganut. Pikuyakyuak ilalaituk ovaluniit unguvalaituk munagitjutikhaini pihimayait iluani Nunavumi Nunataagutainit.

Hunauyuk Ihuinaagutikhait?

Akigaktugutainut ihuinaalaituk ukakhimayut, kingiyaulutik ikayugutikhainik ovalo pilaaktakhainik ovaluniit ayokhagutikhainut, piyakhainut ovaluniit pipkaingiltiklugit kitkut ovaluniit ilaukatauyut Inuit atuklugit hunamik titigakhimayumi Pikuyakyuami. Hapkonauyut:

• Kinauyut, Aatjikiungitut, ingilgaaganit, naminiiitauyut, kitkunut ilauyut ovalo inuuhivianit;
• Ukpigiyainut ovalo ukpigitiaktainit
• Ukiunginik
• Aniatigutainit
• Angutauyaanganit/Aknautauyaanganit
• Nuliakatigiigutainit ovalo Ilakatigiigutainit kanugitjutainut
• Hingaihimatjutainut, ilaulutik, tigualaagutainik nutakanik angutimit ovaluniit angnamit
• Maniliugutainit havaanganit
• Kinauyakhainit ukakhimayait ovalo kitkutiuyakhainit
• Itiktauhimatjutainut nani anititauhimalikat pitkutainik.

Ataani Pikuyakhuap kitkukiak ihumaligumik pihimayauyut aatjikutaungitumik ilanganut pilaaktut ukagiaktuklugit Inuit Nangminiigutainik Akigaktituiyinut. Imaatut Pikuyakyuak pipkailaituk ihuinaatiligutainik nani Inuit:

• Kinikhiayunik havaakhainik ovaluniit havakvianit;
• Niuvilaagutainik, ikayugutainik, itikvilaagutainik ovaluniit katrakhainik pilaaktainut Inuukatigiinit;
• Atuklugit ovaluniit atunahuagutainik iglumik; ovalo
• Titigatuainik ovaluniit takupkaitjutainik tuhagutikhainik ovaluniit titigakhimayunik.

Hapkoa ilangit ilauyut ihuinaalaagutikhainik:

• Angnaguhik havaktitaungituk hingaihimagumik atuklugit, kinauyut ovalo hingaitjutainut
• Hiniktakviit kingihimayut Inunut igluakhanik avaliitpat angnat malguunik nutagakaktut ihuinaagutigilaaktut atuklugit ilakatinganit kanugitjutainut.
• Busniit tuningigumik pilaaktainik Inuup aniagutikaktumut ihuinaagutainik atugumik aniaktiligutikaktunut.

Ilanganut ihuinaagutainut, nakuungituk ikhitaalugit kitkukiak Inuit pilaitainut. Ikhitaagiaganik mamianaktok ovalo pikatainagaagamik tunngahunaituk ovalo atuklutik pihimayait ilihimayainut Pikuyakyuami.

Hapkoa ilangit ikhitaalaagutait:

• Ikayuktukhat ukagumik kinamut inuuvivinianut ikhitaagulaaktut atuklutik ingilgaagutainit ovaluniit kinauyaakhainit.
• Iglukaktumit ikhitaaktitiyut ovaluniit ikhitauyakiyut aatjikutainik inuukatigiiktunut atuklugit kinauyut inminiigutainik.
• Havaktit ukaktut ihuitumik ovaluniit kinauyaakhaita ukauyakafuktut ikhitaagutigiulaaktut talvunga.

Ihumagumik ihuinaaktitauhimaguvit ovaluniit ikhitaaniguvit Nunavumi Inuit Nangminiiligutait Akigaktituiyit atulaaktat ihumagiyanit ovalo ihuakhinahualugit. Takuyaktoklugit Inuit Nangminiiligutait Akigaktituiyit hamani: