Tuhagutikhait

Kanuk tunilaaktatka Tuhaktitiyumayamnik?

Huliniaktut tunigupkit Tuhagutikhait?

Kanuk tunilaakinga Kiutjutikhamnut?

Huliniakat tunitaagupku Kiutjutitka?

Pitkutikhait
Inuit Inminiigutait Pikuyakyuak
Maligutikhait
Maliktakhait ovalo Tuhagutikhait
Makpigaat


Ukiuk Tamaat Tuhaktakhat

Angigutait ovalo Naalaktigutait

Akigaktuitjutait

Kinikhiayut Akigaktuiyunik

Akigaktituiyiit Katimayiit ovalo Havaktiit

Hulilaakpinga ihumaliguma ihuinaaktitauyunga ovaluniit ikhitaaktauyunga?

Ihuinaaktauniguvit ovaluniit Ikhitaaktauniguvit Nunavumi, iluani malguuk ukiumi, takuyaktuklugit Nunavumi Inuit Nangminiigutikhait Akigaktituiyiit Titigakviani Salliqmi, apigiyaanganik tuhagutikhainik ovalo Tuhaktigutikhait makpigaanik titigaktigiaganik.

Nunavumi Inuit Nangminiitigutait Havaktiit ikayulaaktut hamunga hivatalugit 1-866-413-6478 akiitut.

Takuyaktulaaktut ikayuktauyumaguvit akigaktiligiyinik ihivgiugiaganik kanugituutitauhitjutit ovalo ikayuklutit Tuhaktitjutikhait makpigaanik. Takulaaktatitlu Nunavumi Akigaktituiyiit Ikayuktiit Katimayiini hamani kagitauyakut: www.nulas.ca

Nalungilutit – Ilangit busniit ovalo havakviit kavamatukatkut ovalo ilauyut ataanut munagitjutainik Kanatamiut Inuit Pikuyakyuanganut ilaungitut Nunavumi Inuit Nangminiigutait Pikuyakyuanganut, ilaa, hapkoa: Maniligiyiit, Tingmialigiyiit, Paliihimat ovaluniit Kavamatkukatkut munagiviit. Ihumaguvit ihuinaaktitauhimayutit Kavamatukatkut busniinit ovaluniit havakviinit, takuyaktulaaktutit Kanatamiut Inuit Nanagminiigutait Kamisitkut ovaluniit hivayaklugit hamunga: 1-888-214-1090.

Kanuk iniktilaaktatka Tuhaktigutikhainik?

Ihuinaaktinahuguvit ovaluniit Ikhitaaktinahugiguvit atuklugit hapkoa ilanganiitut Pikuyakyuami, iniktiktakhatit Tuhaktigutikhait makpigaat ovalo tunilugit Inuit Nanagminiigutait Akigaktituiyiit titigakvianut. Tuhaktigutikhait makpigaat iniktihimayukhat inminik (Uktuktut)kitut ihuinaaktitauhimayut.

Makpigaat iniktilaaktut ukaklutit ovaluniit titigaklutit ovalo atulaaktatit atuktunik ukautainut Nunavumi. Titigakuulaaktut, Sukatukut ovaluniit Kagitauyakut Akigaktituiyiit Titigakvianut, tugaaklugu Akigaktituiyit Atanguyainut.

Tuhaktigutikhait apiginiaktut kitunit ihuinaaktitauhimayutit ovaluniit Ikhitaaktauhimayutit atuklugit hapkoa (Kinauyutit, Aniagutikaktutit, Angutigunit/Agnautihunit). Pilaaktutit amigaitkiyanik atauhiinaungitumik, kihimi pilaaktutit atauhinamik piyumaguvit.

Tuhagutikhait apiginiaktut ukaklugit:

Tuhaktilaaktutit ukaklutit. Ovalutauk Tuhaktigutikhait tunilaaktut kinamit angikhimayanit.

Titigagutikhait ikayugutikhatit ukakhimayanut ilautiniaktut Tuhagutikhaini. Pilaaniguvit, apigilaaktutit ikayugutikhanik Akigkatituiyimik. Aalanik Inunik ovaluniit ilakatinik ikayulaaktaatit tuhaktigumaguvit Akigaktituiyiit Titigakvianit.

Kiupkuihimayuk inuuyuk ovaluniit havakviit atikhimayut Tuhagutikhainik pihimayainik ihuinaaktitihimayuk ovaluniit ikhitaakhimayut. Ilvit (Uktukhimayutit) ovalo kitkulikiak atikhimayut Kiupkuihimayut taihimaniaktut ilanganut Ilaukatauyut Tuhagutikhanit.

Makpigaat pilaaktut apigilugit Akigaktituiyit Titigakvianit.

Kinauyut “Inuit Nangminiigutait Havaktiit”?

Hivuliit kitkut ukakatigiyatit Inuit Nangminiigutait Akigaktituiyit Titigakviani, Inuit Nangminiigutait Havaktiit. Havaktiit ikayuniaktut kangikhinahualugit pikatagutainik ovalo maligutikhainik ilihimayut ilanganut Pikuyakyuami ovalo kanuk tunilaaktutit Tuhagutikhainik. Havaktiit tuhaktilaaktutlu aalanut aalanut havakviit ihumagumik. Munaginiaktaitlu hunavalumik ikayuktauyumatjutinik, ilangit tuhaayikalutit ikayugutikhainik. Ukakhimayut hunavalunik Inuit Nangminiigutait Havaktiinut ovaluniit Atanguyainut takuyaulaitut kihimi ilifinik avaliilutik.