ᐃᓘᓐᓇᒍᖓᔪᑦ ᑐᓴᐅᒪᔭᐅᒋᐊᓖᑦ

ᖃᓄᖅ ᖃᐅᔨᒃᑲᐃᔾᔪᑎᓕᐅᕈᓐᓇᖅᐳᖓ?

ᖃᐅᔨᒃᑲᐃᔾᔪᑎᓕᐅᕐᓂᕐᒧᑦ ᐊᑐᖅᑕᐅᔭᕆᐊᓖᑦ

ᐱᕕᒃᓴᐃᑦ
ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ
ᒪᓕᒐᐃᑦ ᐊᑐᖅᑕᐅᔪᒃᓴᓕᐊᕆᔭᐅᓯᒪᔪᐃᑦ
ᑐᑭᒧᐊᕈᑏᑦ ᐊᒻᒪᓗ ᑐᓴᐅᒪᔭᐅᒋᐊᓖᑦ
ᑕᑕᑎᕆᐊᓖᑦ


ᐊᕐᕋᒍᓕᒪᒥᒃ ᑐᓴᖅᑎᑦᓯᒍᑏᑦ

ᖃᐅᔨᒃᑲᐃᔾᔪᑎᐅᑉ ᖃᓄᐃᓕᖓᓂᖏᑦ

ᑐᑭᑖᕐᓃᑦ

ᑐᓵᔭᐅᓂᖅ ᑭᒡᓕᓯᓂᐊᖅᑎᓄᑦ

ᐱᒋᐊᖅᑎᑦᑎᑲᓐᓂᕈᒪᓂᖅ

ᐱᖁᔭᓕᕆᔨᒥᒃ ᐃᑲᔪᖅᑎᖃᕐᓂᖅ

ᑭᒡᓕᓯᓂᐊᖄᖅᑏᑦ ᑲᑎᒪᔨᖏᑦ ᐃᖅᑲᓇᐃᖀᖅᑎᖏᓪᓗ

ᓄᓇᕗᒻᒥ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᑭᒡᓕᓯᓂᐊᖅᑏᑦ

ᓄᓇᕗᒻᒥᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᒪᓕᒐᖅ ᐊᑐᓕᖅᑎᑕᐅᓚᐅᖅᓯᒪᕗᖅ ᐱᖁᔭᓕᐅᕐᕕᒡᔪᐊᒥ ᓅᕕᒻᐱᕆ 5, 2003ᖑᑎᓪᓗᒍ. ᐱᖁᔭᖅ ᐃᓕᓴᖅᓯᓂᖃᖅᖢᓂ ᑭᒡᓕᓯᓂᐊᖅᑎᓂᒃ ᐊᕐᕋᒍᖅ ᐊᓂᕈᕐᓯᒪᓕᖅᑎᓪᓗᒍ.

ᑭᒡᓕᓯᓂᐊᖅᑏᑦ ᑎᒥᖑᖅᑎᑕᐅᓯᒪᕗᑦ ᐃᖃᑐᐃᔩᑦ ᐃᖃᖅᑐᐃᒍᓐᓇᖅᑎᑕᐅᓪᓗᑎᒃ ᑲᒪᒋᔭᖃᕐᓂᐊᖅᖢᑎᒃ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᐊᑑᑎᕙᒃᑐᓂᒃ ᓄᓇᕗᒻᒥᑦ.

ᑭᒡᓕᓯᓂᐊᖅᑏᑦ ᑎᓕᐅᕆᕗᑦ ᐱᓕᕆᐊᖑᖃᑕᐅᔪᓂᒃ ᐊᕿᒍᑎᒃᓴᕐᓯᐅᕐᓂᒃᑯᑦ ᐊᖀᖃᑎᒋᒍᓐᓇᖁᓪᓗᒋᒃ ᐊᔾᔨᒌᖏᑦᑎᑦᓯᓂᕋᖅᑕᐅᔾᔪᑎᓂᒃ. ᐱᓕᕆᐊᖑᖃᑕᐅᔫᒃ ᑕᒪᕐᒥᒃ ᐊᖀᖃᑎᒋᒋᑉᐸᑎᒃ ᑕᐃᒪ ᑭᒡᓕᓯᓂᐊᖅᑎᒃᑯᑦ ᑐᓵᑎᑦᑎᓕᕋᔭᖅᑐᑦ.

ᑭᒡᓕᓯᓂᐊᖅᑏᑦ ᑕᓪᓕᒪᓂᒃ ᑲᑎᒪᔨᖃᖅᑐᑦ, ᐃᓚᐅᑎᓪᓗᒋᑦ ᐅᑯᐊ ᐃᒃᓯᕙᐅᑕᖅ, ᑲᑎᒪᔨᐅᖃᑕᐅᔪᖅ ᑎᓕᔭᐅᔪᕕᓂᖅ ᓄᓇᕗᑦ ᒐᕙᒪᒃᑯᓂᑦ ᐳᖅᑐᓂᕐᓴᒥᒃ ᑲᑎᒪᔨᖏᓐᓄᑦ ᑲᑎᒪᔨᐅᖃᑕᐅᓂᐊᕐᓗᓂ ᑎᓴᒪᓄᑦ ᐊᕐᕌᒍᓄᑦ. ᑲᑎᒪᔨᐅᖃᑕᐅᔪᑦ ᓂᕈᐊᖅᑕᐅᓱᖑᔪᑦ ᒪᓕᒃᖢᒋᑦ ᐱᓕᕆᓕᒪᓂᖏᓐᓄᑦ ᑭᒃᑯᐃᓐᓇᐃᑦ ᐱᔪᓐᓇᐅᑎᖏᑦᓅᓕᖓᔪᓂᒃ ᐊᒻᒪᓗ ᓄᓇᓕᖕᒥ ᓄᓇᓂᓪᓗ ᐊᕕᒃᑐᖅᓯᒪᔪᓂᒃ ᑭᒡᒐᖅᑐᖅᑎᐅᖃᑦᑕᕐᓂᕐᒥᓂᒃ. ᑲᑎᒪᔩᑦ ᑭᒡᒐᖅᑐᐃᔪᐃᓐᓇᐅᔪᑦ ᐱᖓᓱᓂᒃ ᓄᓇᕗᒻᒥ ᐊᕕᒃᑐᕐᓯᒪᓂᖏᓐᓂᒃ.

ᑭᒡᓕᓯᓂᐊᖅᑏ ᑎᑎᕋᕐᕕᖓᑦ ᓴᓪᓕᕐᒥᑦᑐᖅ. ᐃᖃᓇᐃᔭᖅᑎᖏᑦ ᐊᑐᐃᓐᓇᐅᔪᑦ ᑭᐅᔭᕆᐊᖃᖅᐸᑕ ᐸᖁᓴᒡᕕᐅᒃᐸᑕ ᓄᓇᕗᒻᒥ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᒪᓕᒐᕐᒥᒃ ᐊᒻᒪᓗ ᐃᒻᒥᒍᕐᑐᓂᒃ ᐃᑲᔪᕈᓐᓇᕐᒥᔪᑦ ᖃᐅᔨᒃᑲᐅᔾᔪᑎᒥᒃ ᑕᑕᑎᕆᓂᕐᒥᒃ (ᖃᐅᔨᒃᑲᐃᔾᔪᑎᓕᐅᕈᑎ) ᑭᒡᓕᓯᓂᐊᖅᑏᑦ ᑎᒍᒥᐊᕐᒥᔪᑦ ᐅᑯᓂᖓ ᐱᖁᔭᓕᕆᓂᕐᒥᒃ ᐃᑲᔪᖅᑎ ᐊᒻᒪᓗ ᐊᖀᒍᑎᒃᓴᖅᓯᐅᕐᓂᕐᒥᒃ.

ᓄᓇᕗᒻᒥ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ ᓇᓗᓇᐃᖅᓯᓯᒪᕗᖅ 17ᓂᒃ ᐊᑐᖁᔭᐅᖏᑦᑐᑦ ᑐᓐᖓᕕᖃᑐᐊᖅᐸᑕ ᐊᔾᔨᒋᖏᑎᑦᓯᓂᕐᒧᑦ ᐃᓗᐊᓂᑦᑐᑦ ᑕᓪᓕᒪᐅᔪᑦ ᐊᕕᒃᑐᖅᓯᒪᓂᖏᑦᑕ.

ᖃᐅᔨᒋᐊᕐᕕᒋᓗᒋᑦ ᓄᓇᕗᒻᒥ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᑭᒡᓕᓯᓂᐊᖅᑏᑦ ᐅᕙᓂ:

ᑎᑎᖃᒃᑯᑎᒐ 15 ᓴᓪᓕᖅ, ᓄᓇᕗᑦ X0C 0C0

867-925-8447 ᐅᖄᓚᐅᑎᖓ
867-925-8453 ᓱᑲᑦᑐᕈᑎᖓ 
888-220-1011 ᐊᑭᖃᖏᑦᑐᖅ ᓱᑲᑦᑐᒃᑯᑦ
866-413-6478 ᐊᑭᖃᖏᑦᑐᖅ ᐅᖄᓚᐅᑖ
nunavuthumanrights@gov.nu.ca ᖃᕆᑕᐅᔭᒃᑯ