ᐃᓘᓐᓇᒍᖓᔪᑦ ᑐᓴᐅᒪᔭᐅᒋᐊᓖᑦ

ᖃᓄᖅ ᖃᐅᔨᒃᑲᐃᔾᔪᑎᓕᐅᕈᓐᓇᖅᐳᖓ?

ᖃᐅᔨᒃᑲᐃᔾᔪᑎᓕᐅᕐᓂᕐᒧᑦ ᐊᑐᖅᑕᐅᔭᕆᐊᓖᑦ

ᐱᕕᒃᓴᐃᑦ
ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ
ᒪᓕᒐᐃᑦ ᐊᑐᖅᑕᐅᔪᒃᓴᓕᐊᕆᔭᐅᓯᒪᔪᐃᑦ
ᑐᑭᒧᐊᕈᑏᑦ ᐊᒻᒪᓗ ᑐᓴᐅᒪᔭᐅᒋᐊᓖᑦ
ᑕᑕᑎᕆᐊᓖᑦ


ᐊᕐᕋᒍᓕᒪᒥᒃ ᑐᓴᖅᑎᑦᓯᒍᑏᑦ

ᖃᐅᔨᒃᑲᐃᔾᔪᑎᐅᑉ ᖃᓄᐃᓕᖓᓂᖏᑦ

ᑐᑭᑖᕐᓃᑦ

ᑐᓵᔭᐅᓂᖅ ᑭᒡᓕᓯᓂᐊᖅᑎᓄᑦ

ᐱᒋᐊᖅᑎᑦᑎᑲᓐᓂᕈᒪᓂᖅ

ᐱᖁᔭᓕᕆᔨᒥᒃ ᐃᑲᔪᖅᑎᖃᕐᓂᖅ

ᑭᒡᓕᓯᓂᐊᖄᖅᑏᑦ ᑲᑎᒪᔨᖏᑦ ᐃᖅᑲᓇᐃᖀᖅᑎᖏᓪᓗ

 ᖃᓄᐃᓕᐅᕆᐊᖃᖅᐳᖓ ᐱᔪᓐᓇᐅᑎᒃᑲ ᐱᕋᔭᒃᑕᐅᓇᓱᒋᒍᒃᑭᑦ?

ᐱᔪᓐᓇᐅᑎᑎᑦ ᐱᕋᔭᒃᑕᐅᔪᕕᓂᐅᓇᓱᒋᒍᕕᒋᑦ ᖃᐅᔨᒋᐊᕐᕕᒋᔭᕆᐊᖃᖅᑕᑎᑦ ᓄᓇᕗᒻᒥᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᑦᑕ ᒪᓕᒐᖏᓐᓄᑦ ᑭᒡᓕᓯᓂᐊᖅᑎᒃᑯᖏᑦᑕ ᐊᒡᓚᒡᕕᖓᑦ, ᓴᕐᓕᕐᒦᑦᑐᖅ, ᑐᒃᓯᕋᕐᕕᒋᓗᒋᑦ ᑐᒃᓯᕋᐅᑎᒥᑦ ᐅᓐᓂᕐᓗᒃᓴᕐᓂᕐᒧᑦ.

ᐅᑯᐊ ᐊᐱᖅᖁᑏᑦ ᐊᖏᕐᓗᑎᑦ ᑭᐅᒍᕕᒋᑦ, ᑐᒃᓯᕋᐅᑎᒥᒃ ᑐᓂᓯᔪᓐᓇᖅᑐᑎᑦ:

ᖃᐅᔨᒪᔭᐅᓕ - ᑮᓇᐅᔭᒃᑯᕖᑦ, ᖃᖓᑕᓲᓕᕆᔩᑦ, ᐸᓖᓯᒃᑯᑦ, ᒐᕙᒪᑐᖃᒃᑯᑦ ᓱᕐᓗ ᐅᑯᐊ, ᐃᖃᓇᐃᔭᖅᑐᓕᕆᔨᒃᑯᑦ ᑲᓇᑕᒥ, ᐃᓄᓕᕆᔨᑐᖃᒃᑯᓪᓗ ᓴᐳᒻᒥᔭᐅᓂᖃᖏᒻᒪᑕ ᐱᖁᔭᒃᑯᑦ. ᖃᐅᔨᑎᑦᑎᔪᑎᓕᐊᑦ ᑕᒃᑯᓂᖓ ᐱᒍᑦᔨᔨᖏᓐᓂᒃ ᐊᑦᑏᓯᒪᒃᐸᑕ ᖃᐅᔨᒋᐊᕐᕕᖃᕆᐊᖃᖅᐳᑎᑦ ᑲᓇᑕᒥ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᒃᑯᖏᓐᓂᒃ ᐅᕝᕙᓗᓐᓂᑦ ᓯᕙᓂᕐᓗᑎᑦ ᐅᕗᖓ 1 888 214 1090.

ᐱᖁᔭᐃᑦ ᒥᒃᓴᓄᑦ ᖃᐅᔨᑎᑕᐅᒃᑲᓂᕈᒪᒍᕕᑦ ᐊᒻᒪᓗ ᑭᒡᒐᖅᑐᖅᑎᑕᕈᒪᒍᕕ ᐱᖁᔭᓕᕆᔨᒥᒃ ᐅᕝᕙᓗᓐᓂᑦ ᓄᓇᕗᒻᒥ ᐱᖁᔭᓕᕆᔨᒃᑯᑦ ᑲᑎᒪᔨᖏᓐᓄᑦ ᐱᒍᔾᔭᐅᔪᒪᒍᕕᑦ. ᓄᓇᕗᒻᒥᑦ ᐱᖁᔭᓕᕆᓂᕐᒧᑦ ᐱᒍᑦᔭᐅᕕᖓᑦᑕ ᑲᑎᒪᔨᖏᑦᑕ ᑎᑎᕋᕐᕕᖓᓐᓄᑦ ᓯᕙᓂᐅᑎᓕᒃ 1 866 606 9400.

ᐃᑲᔪᖅᑕᐅᔪᓐᓇᖅᐳᑎᑦ ᑕᑕᑎᕆᓂᕐᒥᒃ ᖃᐅᔨᒃᑲᐃᔾᔪᑎᒥᒃ ᖃᐅᔨᒋᐊᕐᕕᒋᓗᒋᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᑦᑕ ᐱᓕᕆᕝᕕᖓᑕ ᑎᑎᕋᕐᕕᖓᑦ ᓯᕙᓂᕐᓗᑎᒃ 1 413 866 6478.

ᖃᓄᖅ ᖃᐅᔨᒃᑲᔾᔪᑎᓕᐅᕈᓐᓇᖅᐳᖓ?

ᖃᐅᔨᑎᑦᑎᔾᔪᑎ ᑕᑕᑎᕆᐊᓕᒃ ᐱᔭᕆᕆᐊᖃᕋᔭᖅᑕᐃᑦ. ᖃᐅᔨᑎᑦᑎᔾᔪᑎ ᑕᑕᑎᕆᐊᓕᒃ ᐱᔭᕆᖅᑕᐅᔭᕆᐊᓕᒃ ᐃᓄᖕᒧᑦ (ᑐᒃᓯᕋᖅᑐᒧᑦ) ᐊᔾᔨᒌᖏᕕᐅᔪᕕᓂᐅᓂᕋᖅᑐᒧᑦ.
ᑕᑕᑎᕆᐊᓕᒃ ᐱᔭᕆᖅᑕᐅᔪᓐᓇᖅᑐᖅ ᐅᖃᓪᓚᒡᓗᓂ ᐅᕝᕙᓗᓐᓂᑦ ᑎᑎᕋᕐᓗᓂ ᐊᒻᒪᓗ ᐊᑐᕐᓗᓂ ᓇᓕᐊᕐᓂᑐᐃᓐᓇᖅ ᐅᖃᐅᓯᕐᒥᒃ ᐃᓕᓴᕆᔭᐅᓂᓕᖕᒥᒃ. ᑎᑎᖃᒃᑯᕕᒃᑯᑦ ᐊᐅᓪᓚᖅᑎᑕᐅᔪᓐᓇᖅᑐᖅ, ᓱᑲᑦᑐᑰᕈᑎᒃᑯᓗᓐᓃᑦ, ᐅᕝᕙᓗᓐᓂᑦ ᖃᕆᑕᐅᔭᒃᑯᑦ ᑎᑎᖃᖅᑕᕐᕕᒃᑯᑦ ᐊᐅᓪᓚᖅᑎᑕᐅᓗᓂ ᑭᒡᓕᓯᓂᐊᖅᑎᒃᑯᑦ ᑎᑎᕋᕐᕕᖓᓐᓄᑦ ᑐᕋᖓᓗᒍ ᑭᒡᓕᓯᓂᐊᖅᑎᒃᑯᑦ ᐳᖅᑐᓂᖅᓴᒥᒃ ᐊᐅᓚᑦᑎᔨᖓᓄᑦ.

ᒪᑯᐊ ᐊᐱᖅᑯᑕᐅᒐᔪᒃᑐᑦ ᖃᐅᔨᒃᑲᐃᔾᔪᑎᒧᓕᖓᔪᑦ:

ᖃᐅᔨᒃᑲᐃᔾᔪᑎᒃ ᑕᑕᑎᖅᑕᐅᔪᓐᓇᖅᑐᖅ ᐅᖃᓪᓚᒡᓗᓂ. ᓱᓕᑲᓐᓂᖅ ᖃᐅᔨᒃᑲᔾᔪᑎ ᑕᑕᑎᖅᑕᐅᔪᓐᓇᕐᒥᔪᖅ ᑐᒃᓯᕋᖅᑐᑉ ᑎᓕᔭᖓᓄᑦ ᐊᖏᖅᓯᒪᓗᓂ. ᐃᑲᔪᖅᓯᓂᕐᒧᑦ ᑎᑎᕋᖅᑕᐅᔪᕕᓂᖅ ᐊᑦᑕᑕᖅᑎᑕᐅᓯᒪᔭᕆᐊᓕᒃ ᖃᐅᔨᒃᑲᐃᔾᔪᑎᒧᑦ. ᑕᐃᒪᖓᓕᒪᖅ ᐊᔪᕐᓇᖏᑐᐊᖅᐸᑦ, ᐱᔾᔪᔭᐅᔪᒪᔪᒃᓴᐅᕗᑎᑦ ᐱᖁᔭᓕᕆᔨᒧᑦ. ᓱᓕ ᐊᓯᖕᓂᑦ ᖃᑕᖑᑎᖕᓂᖓᖅᑐᒥᒃ ᐅᕝᕙᓗᓐᓂᑦ ᓄᓇᓕᐅᖃᑎᖕᓂᒃ ᐃᑲᔪᖅᑕᐅᔪᒪᔪᓐᓇᕆᕗᑎᑦ ᐅᖃᖃᑎᖃᕐᑎᑦᑎᓗᑎᑦ ᑎᑎᕋᕐᕕᑦᑎᓄᑦ.

ᑭᐅᔨᐅᔪᖅ ᑭᓇᑐᐃᓐᓇᖅ ᐅᕝÉᕚᓗᓐᓂᑦ ᐱᒍᑦᔨᔨᐅᔪᖅ ᐊᑎᖓ ᑕᐃᔭᖀᐅᓯᒪᒍᓂ ᖃᐅᔨᒃᑲᐃᔾᔪᑎᐅᔪᒥᒃ ᐱᖁᖀᔭᕐᒥᒃ ᓱᕋᐃᓂᕋᖅᑕᐅᓗᓂ ᐊᔾᔨᐅᖏᑎᑦᑎᔪᕕᓂᐅᓂᕋᖅᑕᐅᓗᓂ. ᑭᑯᑐᐃᓐᓇᓕᒫᑦ ᐊᒻᒪᓗ/ᐅᕝᕙᓗᓐᓂᑦ ᑎᒥᐅᔪᑦ ᑕᐃᔭᐅᒃᐸᑕ ᖃᐅᔨᒃᑲᐃᔾᔪᑎᓕᐊᒥᒃ ᐊᒻᒪᓗ ᑭᐅᔪᕕᓂᐅᒃᐸᑕ ᖃᐅᔨᒃᑲᐃᔾᔪᑎᒧᑦ ᖃᐅᔨᒪᔭᐅᓂᖃᕐᒥᔪᐃᑦ ᐱᓕᕆᐊᖑᖃᑕᐅᔪᑦ ᖃᐅᔨᑎᑦᓯᒍᑕᐅᔪᒧᑦ.

ᑕᑕᑎᕆᐊᓖᑦ ᐱᔭᐅᔪᓐᓇᖅᑐᖅ ᑐᒃᓯᕋᕐᓗᓂ ᑭᒡᓕᓯᓂᐊᖅᑎᒃᑯᑦ ᑎᑎᕋᕐᕕᖓᓐᓂ.

ᑭᓲᕙ "ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᑭᒡᓕᓯᓂᐊᖅᑎᑦ ᐱᓕᕆᔨᖓ?

ᓄᓇᕗᒻᒥ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᑭᒡᓕᓯᓂᐊᖅᑎᒃᑯᓂᑦ ᓯᕗᓪᓕᖅᐸᖑᓗᓂ ᐅᖃᓪᓚᒡᕕᒋᔭᐃᑦ ᑕᐃᒪ ᐱᓕᕆᔨᐅᑐᐃᓐᓇᕆᐊᓕᒃ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᑭᒡᓕᓯᓂᐊᕐᓂᕐᒧᑦ. ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᐱᓕᕆᔨᐅᔪᖅ ᑕᐃᑲᓂᒻᒪᑕ ᐃᓕᖕᓂᒃ ᐃᑲᔪᕈᒪᓪᓗᑎᒃ ᑐᑭᓯᐅᒪᖁᔨᒧᑦ ᐊᑐᖅᑕᐅᓱᓂᒃ ᒪᓕᒃᑕᐅᔭᕆᐊᓕᖕᓂᒡᓗ ᐱᖁᔭᒥᒃ, ᖃᓄᕐᓗ ᖃᐅᔨᒃᑲᐃᔪᑎᓕᐅᕈᓐᓇᕐᒪᖓᕐᐱᑦ ᐊᒻᒪᓗ ᖃᓄᖅ ᖃᐅᔨᒋᐊᕐᕕᖃᕈᓐᓇᕐᒪᖓᕐᐱᑦ ᐱᒍᔾᔨᔨᐅᔪᓂᒃ ᑕᐃᒪᐃᒋᐊᖃᕈᕕᑦ. ᖃᐅᔨᒃᑲᐃᔪᑎᓕᐅᖅᑑᑉ ᐃᑲᔪᖅᑕᐅᔾᔪᑎᒋᑲᓐᓂᕆᐊᖃᑕᖏᓐᓂᒃ ᑲᒪᔪᓐᓇᕐᒥᔪᑦ, ᒪᑯᓂᖓ ᑐᓵᔨᖃᕐᓂᕐᒥᒃ. ᖃᓄᑐᐃᓐᓇᖅ ᐅᖃᐅᓯᐅᔪᖅ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓂᒃ ᑭᒡᓕᓯᓂᐊᖅᑎᒧᑦ ᐅᕝᕙᓘᓐᓂᑦ ᐊᐅᓚᑦᑎᔨᒧᑦ ᑭᒃᑯᑐᐃᓐᓇᓄᑦ ᑐᓴᐅᒪᔭᐅᔭᑎᑕᐅᔾᔭᖏᑦᑐᑦ.