ᐃᓘᓐᓇᒍᖓᔪᑦ ᑐᓴᐅᒪᔭᐅᒋᐊᓖᑦ

ᖃᓄᖅ ᖃᐅᔨᒃᑲᐃᔾᔪᑎᓕᐅᕈᓐᓇᖅᐳᖓ?

ᓱᒐᔭᖅᑲ ᑐᓂᓯᓐᓂᕈᒪ ᐸᐃᑉᐹᓂ ᖃᐅᔨᒃᑲᐃᔾᔪᑎᒥᑦ?

ᖃᓄᖅ ᑭᔾᔪᓯᕐᓂᑦ ᑐᓂᓯᒐᔭᕋᒪ?

ᓱᓕᕋᔭᖅᑲᓕ ᑐᓂᓯᓚᐅᖅᑎᓪᓗᖓ ᑭᔾᔪᓯᕐᓂᑦ?

ᐱᕕᒃᓴᐃᑦ
ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ
ᒪᓕᒐᐃᑦ ᐊᑐᖅᑕᐅᔪᒃᓴᓕᐊᕆᔭᐅᓯᒪᔪᐃᑦ
ᑐᑭᒧᐊᕈᑏᑦ ᐊᒻᒪᓗ ᑐᓴᐅᒪᔭᐅᒋᐊᓖᑦ
ᑕᑕᑎᕆᐊᓖᑦ


ᐊᕐᕋᒍᓕᒪᒥᒃ ᑐᓴᖅᑎᑦᓯᒍᑏᑦ

ᐃᓱᒪᓕᐅᕐᓂᖏᑦ ᓈᓚᑦᑎᑦᑎᓂᖏᓪᓗ

ᐱᒋᐊᖅᑎᑦᑎᑲᓐᓂᕈᒪᓂᖅ

ᐱᖁᔭᓕᕆᔨᒥᒃ ᐃᑲᔪᖅᑎᖃᕐᓂᖅ

ᑭᒡᓕᓯᓂᐊᖄᖅᑏᑦ ᑲᑎᒪᔨᖏᑦ ᐃᖅᑲᓇᐃᖀᖅᑎᖏᓪᓗ

ᓱᒐᔭᖅᑯᖓᓪᓕ ᐅᓐᓂᕐᓘᑎᔅᓴᖃᕈᒪ ᐱᑦᑎᐊᓐᖏᑦᑐᒥᓂᐅᔪᓄᑦ ᐅᕝᕙᓘᓐᓃᑦ ᐸᕝᕕᓴᑦᑐᒥᓂᐅᔪᓄᑦ?

ᑕᐃᒪᐃᓗᐊᖅᑎᑕᐅᓯᒪᓱᒋᓐᖏᒃᑯᕕᑦ ᐸᕝᕕᓴᑦᑕᐅᓯᒪᓱᒋᒍᕕᓪᓘᓐᓃᑦ ᓄᓇᕗᒻᒥ, ᐊᕐᕌᒎᒃ ᒪᕐᕉᒃ ᐃᓗᐊᓂ, ᖃᐅᔨᒋᐊᕈᓐᓇᖅᑐᑎᑦ ᓄᓇᕗᑦ ᐃᓄᓐᓄᑦ ᐱᔪᓐᓇᐅᑎᓂᑦ ᑲᑎᒪᔨᖏᑕ ᐊᓪᓚᕕᖏᓐᓄᑦ, ᓴᓪᓕᓂᑦ, ᐊᐱᖅᓱᕐᓗᑎᓪᓗ ᐊᒻᒪᓗ ᖃᐅᔨᒃᑲᐃᔾᔪᑎᒥᑦ ᑕᑕᑎᕆᐊᓕᒻᒥᑦ ᑕᑕᑎᕆᓗᓯ.

ᓄᓇᕗᑦ ᐃᓄᓐᓄᑦ ᐱᔪᓐᓇᐅᑏᑦ ᑲᑎᒪᔨᖏᑦ ᐱᓕᕆᔨᖓ ᐊᑐᐃᓐᓇᐅᔪᖅ ᐃᑲᔪᕈᓐᓇᖅᑎᐊᖅᑐᓂ ᐅᕗᖓ ᐅᖄᓚᕕᒋᓗᒍ 1-866-413-6478 ᐊᑭᖃᓐᖏᑦᑐᖅ.

ᐃᑲᔪᖅᑕᐅᔪᒪᓐᓂᕈᕕᑦ ᒪᓕᒐᓕᕆᔨᒧᑦ ᕿᒥᕐᕈᖁᓗᒋᑦ ᖃᓄᐃᑕᐅᓯᒪᓂᕐᓂᑦ ᐃᑲᔪᕈᓐᓇᖅᑲᑦ ᖃᐅᔨᒃᑲᐃᔾᔪᑎᒥᑦ ᑕᑕᑎᕆᐊᓕᓐᓂᑦ. ᖃᐅᔨᒋᐊᕈᓐᓇᖅᑐᑎᑦ ᓄᓇᕗᑦ ᒪᓕᒐᓕᕆᓂᕐᒧᑦ ᐱᔨᑦᑎᕋᖅᑏᑦ ᑲᑎᒪᔨᖏᓐᓄᑦ ᐅᕗᖓ: www.nulas.ca

ᖃᐅᔨᒪᔭᐅᒋᐊᓕᒃ – ᐃᓚᖏᑦ ᐃᖅᑲᓇᐃᔭᕐᕕᐅᔪᑦ ᑎᒥᐅᔪᓪᓗ ᒐᕙᒪᑐᖃᒃᑯᓐᓂ ᐊᒻᒪᓗ ᑭᓪᓕᖏᓐᓂ ᒪᓕᑦᑐᓂᑦ ᑲᓇᑕᒥ ᐃᓄᓐᓄᑦ ᐱᖁᔭᕐᓂᑦ ᑭᓯᐊᓂᓕ ᑖᔅᓱᒥᖓᐅᓐᖏᑦᑐᖅ ᓄᓇᕗᒻᒥ ᐃᓄᓐᓄᑦ ᐱᔪᓐᓇᐅᑎᓂᑦ ᐱᖁᔭᕐᓂᑦ, ᓲᕐᓗ: ᑮᓇᐅᔭᒃᑯᕖᑦ, ᖃᖓᑕᓲᓕᕆᔩᑦ, ᐸᓖᓯᒃᑯᑦ, ᐅᕝᕙᓘᓐᓃᑦ ᒐᕙᒪᑐᖃᒃᑯᑦ ᐃᖅᑲᓇᐃᔭᕐᕕᖏᑦ. ᑕᐃᒫᑦᑎᐊᖅ ᐃᑉᐱᒋᔭᐅᓱᒋᓐᓂᖏᒃᑯᕕᑦ ᒐᕙᒪᑐᖃᒃᑯᓐᓂ ᑎᒥᐅᔪᓂᑦ ᖃᐅᔨᒋᐊᕆᐊᖃᖅᑐᑎᑦ ᑲᓇᑕᒥ ᐃᓄᓐᓄᑦ ᐱᔪᓐᓇᐅᑎᓂᑦ ᑲᑎᒪᔨᖏᓐᓄᑦ ᐅᖄᓚᓗᑎᓪᓘᓐᓃᑦ 1-888-214-1090.

ᖃᓄᖅ ᑐᓂᓯᒍᓐᓇᕋᒪ ᐅᓐᓂᕐᓘᑎᓐᓂ ᖃᐅᔨᒃᑲᐃᔾᔪᑎᒥᑦ?

ᐃᑉᐱᒍᓱᒃᑯᕕᑦ ᑕᐃᒪᐃᓪᓗᐊᖅᑎᑕᐅᓐᖏᓂᕐᓂᑦ ᐸᕝᕕᓴᑦᑕᐅᒍᕕᓪᓘᓐᓃᑦ ᑐᓐᖓᕕᐅᔪᑦ ᐱᖁᔭᐃᑦ ᒪᓕᑦᑐᒋᑦ ᑕᑕᑎᕆᔪᓐᓇᖅᑐᑎᑦ ᖃᐅᔨᒃᑲᐃᔾᔪᑎᒥᑦ ᐊᒻᒪᓗ ᑐᓂᓗᒍ ᐃᓄᓐᓄᑦ ᐱᔪᓐᓇᐅᑎᖏᓐᓄᑦ ᑲᑎᒪᔨᖏᑕ ᐊᓪᓚᕕᖓᓐᓄᑦ. ᖃᐅᔨᒃᑲᐃᔾᔪᑏᑦ ᑕᑕᑎᕆᐊᓕᒃ ᐱᔭᕇᖅᑕᐅᒋᐊᓕᒃ (ᑐᔅᓯᖃᖅᑎᒧᑦ) ᐱᑦᑎᐊᖅᑕᐅᖏᑦᑐᒧᑦ.

ᑕᑕᑎᕆᒌᕈᕕᑦ ᐅᖃᐅᓯᒃᑯᑦ ᑎᑎᖅᑲᑎᒍᓪᓘᓐᓃᑦ ᒪᓕᑦᑐᒋᑦ ᐃᓕᓴᕆᔭᐅᓯᒪᔪᑦ ᐅᖃᐅᓰᑦ ᓄᓇᕗᒻᒥ ᐱᔭᕆᕈᓐᓇᖅᑕᓯ. ᑐᔫᑎᒋᓗᒋᑦ ᑎᑎᖅᑲᓂᐊᕐᕕᒃᑯᑦ, ᓱᒃᑲᔪᒃᑯᑦ, ᖃᕋᓴᐅᔭᒃᑯᓪᓘᓐᓃᑦ ᑲᑎᒪᔩᑦ ᐊᓪᓚᕕᖓᓐᓄᑦ ᐃᖅᑲᓇᐃᔭᖅᑏᑦ ᓯᕗᓕᖅᑎᖓᓐᓄᑦ.

ᖃᐅᔨᒃᑲᐃᔾᔪᑏᑦ ᐊᐱᕆᒐᔭᖅᑐᑦ ᑐᓐᖓᕕᔅᓴᓐᓂ ᑕᐃᒪᐃᓪᓗᐊᖅᑎᑕᐅᓐᖏᓂᕐᓂᑦ ᐅᕝᕙᓘᓐᓃᑦ ᐸᕝᕕᓴᑦᑕᐅᓂᕐᓂᑦ ᒪᓕᑦᑐᒋᑦ ᐅᖃᐅᓰᑦ (ᓲᕐᓗ ᐅᕕᓂᖃᑎᒋᓐᖏᓐᓃᑦ, ᑎᒥᒥᑎᒍᑦ ᐊᔪᕈᑎᓖᑦ, ᐊᕐᓇᖅ/ᐊᖑᑦ ᐊᓯᖏᓪᓘᓐᓃᑦ). ᐊᑕᐅᓯᐅᓐᖏᑦᑐᒥᑦ ᓂᕈᐊᕈᓐᓇᖅᑐᑎᑦ ᑭᓯᐊᓂ ᐊᑕᐅᓯᕐᔪᐊᒥ ᓂᕈᐊᕆᐊᖃᖅᑐᑎᑦ.

ᖃᐃᔨᒃᑲᐃᔾᔪᑎ ᐃᒫᒃ ᐊᐱᖅᓱᖅᓯᒪᔪᑦ ᐅᓂᒃᑳᖁᔨᓪᓗᓂ:

ᑐᓂᓯᒍᓐᓇᕐᒥᔪᑎᑦ ᐸᐃᑉᐹᓂᑦ ᖃᐅᔨᒃᑲᐃᔾᔪᑎᓂᑦ ᐅᖃᐅᓯᒃᑯᑦ. ᐊᒻᒪᓗ ᖃᐅᔨᒃᑲᐃᔾᔪᑏᑦ ᐸᐃᑉᐹᖅᑎᒍᑦ ᑐᓂᓗᒋᑦ ᐃᓕᓐᓃᓐᖔᕐᓗᑎᑦ ᐊᖏᖅᓯᒪᓗᑎᑦ.

ᑎᑎᕋᖅᓯᒪᔪᑦ ᐃᑲᔪᖅᑐᐃᔾᔪᑕᒐᔭᖅᑐᖅ ᐱᔪᒪᓯᒪᔭᓐᓂ ᐱᖃᓯᐅᑎᓗᒍᓪᓗ ᖃᐅᔨᒃᑲᐃᔾᔪᑎᒧᑦ. ᐊᔪᕐᓇᓐᖏᒐᐃᑉᐸᑦ, ᐱᔨᑦᑎᖅᑕᐅᒐᓱᒋᐊᖃᕋᓗᐊᖅᑐᑎᑦ ᒪᓕᒐᓕᕆᔨᒧᑦ. ᐊᓯᖏᓂᓪᓘᓐᓃᑦ ᐃᑲᔪᖅᑎᖃᕈᓐᓇᖅᑐᓯ ᐃᓚᓐᓂᑦ ᓄᓇᓕᓐᓂᓪᓘᓐᓂᑦ ᐃᑲᔪᖅᑕᐅᓗᑎᑦ ᑐᓴᐅᒪᑎᑦᑎᖃᑦᑕᓂᕐᓄᑦ ᑲᑎᒪᔩᑦ ᐊᓪᓚᕕᖓᓐᓂ.

ᑭᐅᔪᖅ ᐃᒻᒥᒃᑰᖅᑐᓂ ᑎᒥᐅᔪᕐᓘᓐᓃᑦ ᐊᑎᖓ ᑎᑎᕋᖅᓯᒪᓗᒍ ᐸᓯᔭᐅᓯᒪᔪᒥᑦ ᐱᖁᔭᖅᑎᒍᑦ ᑕᐃᒪᐃᓪᓗᐊᑎᑦᑎᓂᓐᖏᑦᑐᖅ ᐅᕝᕙᓘᓐᓃᑦ ᐸᕝᕕᓴᑦᑐᒥᓂᖅ. ᐃᕝᕕᑦ (ᑐᔅᓯᕋᖅᓯᒪᔪᑎᑦ) ᐊᒻᒪᓗ ᐊᑎᖏᑦ ᑕᐃᓯᒪᔭᑎᑦ ᐃᓚᒋᔭᐅᓕᕋᔭᖅᑐᑦ ᖃᐅᔨᒃᑲᐃᔾᔪᑎᒥᑦ.

ᑕᑕᑎᕆᐊᓖᑦ ᐊᑐᐃᓐᓇᐅᔪᑦ ᑐᔅᓯᕌᖑᑉᐸᑕ ᑲᑎᒪᔩᑦ ᐊᓪᓚᕕᖓᓐᓄᑦ.

ᑭᓲᒻᒪᑦ “ᐃᓄᓐᓄᑦ ᐱᔪᓐᓇᐅᑎᓕᕆᔨ”?

ᓯᕗᓪᓕᖅᐹᖅ ᐅᖃᖃᑎᒋᔭᐃᑦ ᐃᓄᓐᓄᑦ ᐱᔪᓇᐅᑎᓄᑦ ᑲᑎᒪᔨᓄᑦ ᑕᐃᓐᓇ ᐃᓄᓐᓄᑦ ᐱᔪᓐᓇᐅᑎᓕᕆᔨᐅᒐᔭᖅᑐᖅ. ᐱᔪᓐᓇᐅᑎᓕᕆᔨ ᐃᑲᔪᕋᔭᖅᑐᖅ ᑐᑭᓯᑎᑦᑎᑲᓐᓂᕐᓗᓂ ᐃᓕᓐᓂᑦ ᖃᓄᖅ ᐊᑐᖅᑕᐅᕙᒻᒪᖔᑕ ᐊᑐᐊᒐᓪᓗ ᐱᖁᔭᓐᓃᑦᑐᑦ ᖃᓄᕐᓗ ᖃᐅᔨᒃᑲᐃᒋᐊᖃᕐᒪᖔᑕ. ᐃᓄᓐᓄᑦ ᐱᔪᓐᓇᐅᑎᓕᕆᔨ ᑐᓂᓯᒍᓐᓇᖅᑐᖅ ᑕᑯᔭᐅᖁᔨᓗᓂ ᐊᓯᖏᓐᓂ ᐃᖅᑲᓇᐃᔭᕐᕕᐅᔪᓂᑦ. ᐊᓯᖏᓐᓂ ᐱᔭᕆᐊᓕᑦᑕᖃᕐᓂᕈᕕᑦ ᕿᓂᕈᓐᓇᕐᒥᔪᑦ, ᓲᕐᓗ ᑐᓵᔨᖃᕆᐊᖃᕐᓂᕈᕕᑦ. ᐅᖃᐅᓯᓕᒫᑦ ᐃᓄᓐᓄᑦ ᐱᔪᐅᑎᓕᕆᔨᒃᑯᓐᓄᑦ ᐅᕝᕙᓘᓐᓃᑦ ᐃᖅᑲᓇᐃᔭᖅᑎᓄᑦ ᓯᕗᓕᖅᑎᖓᓐᓄᑦ ᑲᓐᖑᓇᖅᑐᐃᓐᓇᐃᑦ.