ᖃᔮᖅ ᕌᐳᓐᓴᓐ − ᑭᓇᐅᓂᖓᓐᓂ ᐅᓂᒃᑲᖅ, ᓯᓚᑖᓃᓐᖔᖅᓯᒪᓪᓗᓂ ᓂᓪᓕᐊᔨ ᐃᓄᐃᓪᓗ ᐱᔪᓐᓇᐅᑎᖏᓐᓂ ᑲᒪᖃᑦᑕᕐᒥᔪᖅ, ᓄᓇᖃᖅᑳᖅᓯᒪᔪᓪᓗ ᐱᔪᓐᓇᐅᑎᖏᓐᓂ ᐊᓪᓚᕕᓕᕆᓂᕐᒥᓪᓗ ᒪᓕᒐᖅᑎᒍᑦ. ᐃᓅᓚᐅᖅᓯᒪᔪᖅ ᐱᕈᔅᓴᓪᓗᓂᓗ ᓄᓇᕗᒻᒥ, ᐱᔭᕇᓚᐅᖅᓯᒪᔪᖅ ᐊᑭᑦᓯᕋᖅ ᒪᓕᒐᓕᕆᔨᔅᓴᐅᓂᕐᒧᑦ ᐃᓕᓐᓂᐊᕈᑐᒥᑦ

ᖃᔮᖅ ᑲᒥᓴᓇᒃᑯᓐᓄ ᐃᖅᑲᓇᐃᔭᓚᐅᖅᑐᖅ ᑲᓇᑕᒥ ᓈᓚᑦᑎᑦᑎᖃᑦᑕᕐᓂᖏᓐᓂ ᔭᒐᓯᒪᔪᓂᒃ ᐃᓄᐊᖅᑕᐅᓯᒪᔪᓂᓪᓗ ᓄᓇᖃᖅᑳᖅᓯᒪᔪᓂᑦ ᐊᕐᓇᓂᑦ ᓂᕕᐊᖅᓯᐊᓂᓪᓗ 2016−ᒥᑦ 2019−ᒧᑦ. ᒫᓐᓇ ᒪᓕᒐᓕᕆᔨᐅᔪᖅ ᓯᓚᑖᓃᓐᖔᖅᓯᒪᓪᓗᓂᓗ ᐱᓕᕆᖃᑦᑕᖅᑐᖅ ᐃᓄᐃᑦ ᐱᔪᓐᓇᐅᑎᖏᓐᓂ, ᐃᖅᑲᓇᐃᔭᕐᕕᓐᓂᑦ ᖃᐅᔨᓴᕐᓂᕐᒥᑦ, ᐅᑎᖅᑎᑦᑎᓇᓱᐊᕐᓂᕐᒥᑦ, ᐊᒻᒪᓗ ᐱᖅᑯᓯᓕᕆᓂᕐᒥᑦ ᓈᒻᒪᑦᑐᓂᒃ ᐃᓚᓕᐅᑎᓪᓗᒋᓪᓗ ᐊᐅᓚᓂᖏᓐᓂ ᑲᒪᒋᔭᐅᓪᓗᑎᑦ ᒪᓕᒐᖅᑎᒍᑦ ᑎᒥᐅᔪᓪᓗ ᐃᓱᒫᓘᑎᖏᓐᓂ.