ᐃᑲᔪᖅᑎᐅᕗᒍᑦ ᒥᐊᓂᖅᓯᔨᐅᓂᕐᒧᑦ ᓄᓇᕗᒻᒥᐅᑦ ᐱᔪᓐᓇᐅᑎᒋᔭᖏᓂᒃ.
ᐋᖅᑮᓯᒪᓕᖅᑎᐅᕙᑦᑐᒍᑦ ᑭᒃᑯᑐᐃᓐᓴᐃᑦ ᐱᔪᓐᓇᐅᑎᒥᓐᓂᒃ ᐱᓯᒪᓕᖅᑎᑕᐅᔭᕆᐊᖃᓂᕐᒥᓐᓄᑦ ᓇᓗᓇᐃᖅᓯᔾᔪᑎᒋᓯᒪᔭᖏᓂᒃ ᒪᓕᒃᓱᒋᑦ ᓄᓇᕗᒻᒥ ᑭᒃᑯᑐᐃᓐᓇᑦ ᐱᔪᓐᓇᐅᑎᖏᓐᓄᑦ ᒪᓕᒐᖁᑎᖏᑦ.
ᖃᓄᐃᓕᐅᕆᐊᖃᕋᔭᕐᓂᑎᑦ ᐃᓱᒪᒍᕕᑦ ᐃᓚᐃᓐᓈᖅᑎᑕᐅᓂᕐᓄᑦ ᐅᕝᕙᓘᓐᓃᑦ ᐸᕝᕕᓵᖅᑕᐅᓯᒪᓂᕐᓂᒃ:
ᐃᓚᐃᓐᓈᖅᑎᑕᐅᓯᒪᓇᓱᒋᒍᕕᑦ ᐅᕝᕙᓘᓐᓃᑦ ᐸᕝᕕᓵᖅᑕᐅᓯᒪᓇᓱᒋᒍᕕᑦ ᓄᓇᕗᒻᒦᑎᓪᓗᑎᑦ ᐅᑭᐅᒃ ᒪᕐᕉᒃ ᐊᑐᖅᐸᓪᓕᐊᓯᒪᓂᖏᓂ,ᑐᓴᖅᑎᑦᑎᔭᕆᐊᖃᖅᐳᑎᑦ ᓄᓇᕗᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᓕᕆᓂᕐᒧᑦ ᓈᓚᒃᑎᖏᓂᒃ. ᒐᕙᒪᑐᖃᒃᑯᑦ ᐱᓕᕆᕝᕕᒋᔭᖏᓂᒃ ᐅᕝᕙᓘᓐᓃᑦ ᑲᑐᔾᔨᖃᑎᒌᒋᔭᖏᓂᒃ ᐱᔾᔪᑎᖃᖅᑐᓂᒃ ᐃᓱᒪᓕᐅᕈᑎᓕᐅᖅᐸᖖᒋᑦᑐᒍᑦ. ᓄᓇᕗᒻᒥ ᑭᒃᑯᑐᐃᓐᓇᓄᑦ ᐱᔪᓐᓇᐅᑎᓕᕆᓂᕐᒧᑦ ᓈᓚᖕᓂᖃᖅᑎᒋᔭᖏᓐᓄᑦ ᐊᓪᓚᕝᕕᐊᓂ ᓴᓪᓕᖅ ᓄᓇᓕᖓᓐᓃᑉᐳᖅ. ᑐᓴᖅᑎᑕᐅᔪᓐᓇᖅᐳᒍᑦ ᑐᓴᒐᔅᓴᖁᑎᒋᔭᑦᑎᓐᓂᒃ ᑐᒃᓯᕋᕐᕕᐅᓗᑕ ᐊᒻᒪᓗ ᑐᓴᖅᑎᑦᓯᓯᒪᓕᕈᑎᑦ ᑕᑕᑎᕆᐊᓕᓐᓂᒃ ᐱᓯᒪᓕᕐᓗᑎᑦ ᐱᓕᕆᐊᖑᕙᓪᓕᐊᓂᒃᓴᖓ ᐱᒋᐊᖅᑎᑕᐅᓯᒪᓕᕐᓂᐊᕐᒪᑦ.
ᓄᓇᕗᒻᒥ ᑭᒃᑯᑐᐃᓐᓇᓄᑦ ᐱᔪᓐᓇᐅᑎᖏᓂᒃ ᓈᓚᒃᑎᐅᔪᑦ ᑭᒃᑯᑐᐃᓐᓇᐃᑦ ᐱᔪᖕᓇᐅᑎᖏᓐᓄᑦ ᐃᖅᑲᓇᐃᔭᖅᑎᖓᑦ ᐅᖄᓚᕝᕕᐅᔪᓐᓇᕐᑐᖅ ᐅᕙᓂ 1-866-413-6478 ᐊᑭᖃᖖᒋᑦᑐᒃᑯᑦ.
ᐃᓱᒪᒍᕕᑦ ᐃᓚᐃᓐᓈᖅᑎᑕᐅᓚᐅᕐᓂᕐᓂᒃ ᒐᕙᒪᑐᖃᒃᑯᑦ ᐱᓕᕆᕝᕕᖓᓂᑦ ᐅᕝᕙᓘᓐᓃᑦ ᑲᑐᔾᔨᖃᑎᒌᖏᓂᑦ ᑕᒪᒃᑯᐊ ᐊᐅᓚᑦᓯᓂᖃᕐᕕᐅᒻᒪᑕ ᑲᓇᑕᒥᐅᑦ ᑭᒃᑯᑐᐃᓐᓇᓄᑦ ᐱᔪᖕᓇᐅᐅᑎᖏᓄᑦ ᒪᓕᒐᖁᑎᖏᓐᓂᑦ, ᓄᓇᕗᒻᒥ ᑭᒃᑯᑐᐃᓐᓇᓄᑦ ᐱᔪᖕᓇᐅᑎᖏᓄᑦ ᒪᓕᒐᖁᑎᐅᔪᓂᐅᖖᒋᑦᑐᖅ. ᐃᓚᖏᑦ ᐆᒃᑐᕋᐅᑎᒋᔭᐅᔪᓐᓇᖅᑐᑦ ᐃᓚᖃᕐᐳᑦ ᑮᓇᐅᔭᒃᑯᕝᕖᑦ, ᖃᖓᑕᒨᖅᑎᓕᕆᔩᑦ, ᐅᑯᐊ telecommunications companies, ᐅᖄᓚᐅᑎᑎᒍᑦ ᑲᒻᐸᓂᒋᔭᐅᔪᐃᑦ, ᐸᓖᓯᒃᑯᑦ ᐅᕝᕙᓘᓐᓃᑦ ᒐᕙᒪᑐᖃᒃᑯᓐᓂ ᒐᕙᒪᐅᔪᑦ ᐃᖅᑲᓇᐃᔭᕐᕕᖏᑦ.
ᑲᓇᑕᒥᐅᑦ ᑭᒃᑯᑐᐃᓐᓇᓄᑦ ᐱᔪᓐᓇᐅᑎᖏᓄᑦ ᑲᑎᒪᔨᕐᔪᐊᒃᑯᑦ ᐅᖄᓚᐅᑎᑎᒍᑦ ᑐᓴᖅᑎᑕᐅᓯᒪᓕᕈᓐᓇᖅᐳᑦ ᐅᕙᓂ 1-888-214-1090 ᐊᑭᖃᖖᒋᑦᑐᒃᑯᑦ.
ᐃᓚᖏᑦ ᐃᓚᐃᓐᓈᖅᑎᑦᓯᔾᔪᓯᐅᕙᒃᑐᑦ ᐊᒻᒪᓗ ᐸᕝᕕᓵᕈᓯᐅᕙᑦᑐᑦ ᒪᓕᒐᖁᑎᓂᒃ ᓯᖁᒥᑦᑎᓯᒪᓂᐅᕙᒻᒪᑕ.
ᐃᓚᐃᓐᓈᖅᑎᑕᐅᓯᒪᓐᓂᕈᕕᑦ ᐅᕝᕙᓘᓐᓃᑦ ᐸᕝᕕᓵᖅᑕᐅᓯᒪᒍᕕᑦ ᓇᓕᑐᐃᓐᓇᖏᓂᑦ ᐅᑯᓇᖖᒐᑦ ᓇᓗᓇᐃᔭᖅᑕᐅᓯᒪᔪᓂᑦ ᒪᓕᒐᖁᑎᓂ, ᐱᔾᔪᑎᒃᓴᖃᕋᕕᑦ ᓇᓗᓇᐃᖅᓯᒪᓕᕆᐊᕈᓐᓇᖅᓱᒍ ᖃᓄᐃᑕᐅᓯᒪᓂᕆᔭᐃᑦ ᐊᒻᒪᓗ ᐋᖅᑭᒋᐊᖅᑕᐅᓯᒪᓕᖁᔨᔪᓐᓇᖅᓱᑎᑦ. ᐃᓚᖏᑦ ᐃᓚᐃᓐᓈᖅᑎᑦᓯᓂᐅᕙᑦᑐᑦ ᐊᒻᒪᓗ ᐸᕝᕕᓵᕐᓂᐅᕙᑦᑐᑦ ᒪᓕᒐᓂᒃ ᓯᖁᒥᑦᑎᓯᒪᓂᐅᕙᒻᒪᑕ.
- ᓇᑭᖖᒑᖅᓯᒪᓂᖅ
- ᐊᐃᐸᖃᕐᓂᖅ
- ᐊᖑᑎᐅᓂᖓ/ᐊᕐᓇᐅᓂᖓᑕᓘᓐᓃᑦ
- ᓇᔾᔨᐊᖃᕐᓂᖅ
- ᑯᔭᓐᓂᒃᑯᑦ ᓇᓪᓕᐊᓂᒃ ᐊᐃᑉᐸᖃᖅᐸᓐᓂᖅ
- ᐅᕕᓂᖓᑕ ᑕᖅᓵᕐᓂᖓ
- ᓇᑭᖖᒑᖅᓯᒪᔪᕕᓂᐅᓂᖓ
- ᓯᕗᓕᕕᓂᑐᖃᖃᕐᓂᖓ
- ᑎᒥᒃᑯᑦ ᐃᓱᒪᒃᑯᓪᓘᓐᓃᑦ ᐊᔪᕈᑎᖃᕐᓂᖓ
- ᐃᓚᒌᖑᔪᑦ ᖃᓄᐃᓐᓂᖓᑦ
- ᐅᒃᐱᕐᓂᖓ
- ᑲᓇᑕᒥᐅᑕᐅᓂᖓ
- ᐅᒃᐱᕆᔭᖃᖅᑑᓂᖓ
- ᐅᑭᐅᖏᑦ
- ᐃᓕᖅᑯᓯᑐᖃᖃᖅᑑᓂᖓ ᓇᑭᖖᒑᖅᓯᒪᔫᓪᓗᓂ
- ᒪᓕᒐᖁᑎᓂᒃ ᒪᓕᑦᓯᐊᖅᑐᓂ ᑮᓇᐅᔭᓕᐅᕈᑎᖃᕐᓂᖅ
- ᐃᓅᑉ ᐆᒻᒪᑎᒥᓂ ᐊᕐᓇᐅᓂᕐᒥᓂᒃ ᐊᖑᑕᐅᓂᕐᒥᓂᒃᓘᓐᓃᑦ ᖃᐅᔨᒪᓂᖓ
- ᐊᕐᓇᐅᓂᕐᒥᓄᑦ ᐊᖑᑕᐅᓂᕐᒥᓄᓪᓘᓐᓃᑦ ᓇᓗᓇᐃᖅᓯᓯᒪᔪᓐᓇᖅᑑᓂᖓ
- ᐱᕋᔭᒃᓯᒪᔪᖅ ᑭᓯᐊᓂ ᐃᓱᒪᒋᔭᐅᔪᓐᓃᖅᓯᒪᔪᑦ ᐃᖅᑲᖅᑐᐃᕝᕕᒃᑎᒍᑦ
ᐱᓕᕆᐊᖑᕙᓪᓕᐊᓕᕋᔭᖅᑐᑦ ᐃᓗᐃᒃᑲᐅᓗᒋᑦ ᐊᒻᒪᓗ ᑐᓂᓯᓯᒪᓕᕐᓗᓂ ᑐᓴᖅᑎᑦᓯᓯᒪᓕᕈᑎᓂᒃ ᑕᑕᑎᕆᐊᓕᓐᓂᒃ.
ᐃᓱᒪᒍᕕᑦ ᐃᓚᐃᓐᓈᖅᑎᑕᐅᓯᒪᓂᕐᓄᑦ ᐅᕝᕙᓘᓐᓃᑦ ᐸᕝᕕᓵᖅᑕᐅᓯᒪᓂᕐᓄᑦ ᑐᖖᒐᕝᕕᒋᓗᒋᑦ ᑖᒃᑯᐊ ᖁᓛᓂ ᓇᓗᓇᐃᖅᑕᐅᓯᒪᔪᑦ, ᐃᓗᐃᒃᑲᐅᓗᒋᑦ ᑕᑕᑎᕆᔭᕆᐊᖃᖅᐳᑎᑦ ᑐᓴᖅᑎᑦᓯᔾᔪᑎᐅᓪᓗᑎᒃ ᑕᑕᑎᕆᐊᓕᓐᓂᒃ ᐊᒻᒪᓗ ᑐᓂᓯᒪᓕᕐᓗᒋᑦ ᑭᒃᑯᑐᐃᓐᓇᓄᑦ ᓈᓚᖕᓂᖃᖅᑎᒋᔭᖏᓐᓄᑦ ᐊᓪᓚᕝᕕᐊᓂᒃ. ᐱᓯᒪᓕᕋᓱᓐᓂᐊᕈᕕᑦ ᐋᖅᑭᒃᑕᐅᓯᒪᓕᕈᑎᒃᓴᖓᓂᒃ, ᐊᑏ ᖃᐅᔨᒪᓕᑦᑎᐊᕆᐊᕐᓗᒋᑦ ᖃᓄᖅ ᐱᓕᕆᐊᖑᕙᓪᓕᐊᕙᓐᓂᖏᓂᒃ.
- 1 ᑐᒃᓯᕋᐅᑎᖃᕐᑑᑉ ᑐᓂᓯᓯᒪᓂᖓ ᑐᓴᖅᑎᑦᑎᓯᒪᓕᕈᑎᓂᒃ ᑕᐃᓐᓇ ᐃᓄᒃ ᑐᓴᖅᑎᑦᑎᓯᒪᓕᕐᑐᖅ ᑕᐃᔭᐅᕙᒻᒪᑦ ᑐᒃᓯᕋᐅᑎᖃᕐᑐᖅ. ᑖᓐᓇ ᑐᒃᓯᕋᐅᑎᖃᕐᑐᖅ ᓯᕗᓪᓕᕐᒥᒃ ᑐᓴᖅᑎᑦᑎᓯᒪᓕᕈᑎᓂᒃ ᐃᓗᐃᒃᑲᐅᓗᒋᑦ ᑕᑕᑎᕆᔭᕆᐊᖃᕐᐳᖅ ᐊᒻᒪᓗ ᑐᓂᓯᓯᒪᓕᕐᓗᓂ ᑭᒃᑯᑐᐃᓐᓇᓄᑦ ᓈᓚᖕᓂᖃᖅᑎᒋᔭᖏᓐᓄᑦ ᐊᓪᓚᕝᕕᐊᓄᑦ.
- 2 ᑐᓴᖅᑎᑦᑎᓯᒪᔾᔪᑎᑦ ᑕᑕᑎᕆᐊᓖᑦ ᕿᒥᕐᕈᔭᐅᓕᖅᐸᓐᓂᖏᑦ ᓈᓚᖕᓂᖃᖅᑎᒋᔭᖏᑕ ᐃᖅᑲᓇᐃᔭᖅᑎᖏᑦ ᕿᒥᕐᕈᔨᐅᓕᖅᐸᒃᑐᑦ ᑐᓴᖅᑎᑦᑎᓯᒪᓕᕈᑎᓐᓂᒃ ᑕᑕᑎᕆᐊᓕᓐᓂᒃ ᑕᑕᑎᖅᓯᒪᔭᕐᓂᒃ ᖃᐅᔨᒋᐊᖅᓱᓂᒋᑦ ᑕᒪᕐᒥᒃ ᑐᓴᖅᑕᐅᓯᒪᓕᕆᐊᓖᑦ ᑐᓂᔭᐅᓯᒪᒻᒪᖔᑕ.
- 3 ᑭᐅᔨᒋᔭᐅᔪᖅ ᑐᓂᓯᓯᒪᓕᖅᐸᒃᑐᖅ ᑭᐅᔾᔪᑎᓂᒃ ᑕᐃᒃᑯᐊ ᐃᓗᐃᒃᑲᐅᓪᓗᒋᑦ ᑐᓴᖅᑎᑦᑎᓯᒪᓕᕈᑎᑦ ᐊᐅᓪᓚᖅᑎᑕᐅᓕᕋᔭᖅᑐᑦ ᐃᓄᒻᒧᑦ (ᓄᑦ) ᐅᕝᕙᓘᓐᓃᑦ ᑲᑐᔾᔨᖃᑎᒌᖑᔪᓄᑦ (ᒌᒋᔭᐅᔪᓄᑦ) ᑎᑎᕋᖅᑕᐅᓯᒪᔪᓄᑦ ᑭᐅᔨᒋᔭᐅᔪᒥᑦ(ᓂᑦ), ᐊᒻᒪᓗ 60 ᐅᓪᓗᐃᑦ ᐊᑐᖅᐸᓪᓕᐊᓂᖏᓂ ᑭᐅᓯᒪᓕᕐᕕᒃᓴᖃᖅᑎᑕᐅᓗᑎᒃ.
- 4 ᐃᓱᒪᓕᐅᕈᑎᐅᓂᖏᑦ ᑲᔪᓯᑎᑕᐅᖁᓪᓗᒋᑦ ᐅᕝᕙᓘᓐᓃᑦ ᖁᔭᓈᖅᑕᐅᓂᐊᕐᓂᖏᑕ ᑐᓴᖅᑎᑦᑎᓯᒪᓕᕈᑎᑦ ᐊᒻᒪᓗ ᑭᐅᔭᐅᓯᒪᓕᕈᑎᖏᑦ ᕿᒥᕐᕈᔭᐅᓕᖅᐸᒃᑐᑦ ᓈᓚᒃᑎᐅᖃᑕᐅᓪᓗᓂ ᐃᓚᒋᔭᐅᔪᒥᑦ ᐃᓱᒪᓕᐅᖅᑎᒋᔭᐅᓂᐊᕆᓪᓗᓂ ᑲᔪᓯᑎᑕᐅᓂᐊᕐᒪᖔᑕ ᐱᓕᕆᐊᖑᕙᓪᓕᐊᓇᔭᕐᓂᖏᑦ ᐅᕝᕙᓘᓐᓃᑦ ᖁᔭᓈᖅᑕᐅᓂᐊᕐᒪᖔᑕ ᖃᓄᐃᑕᐅᓯᒪᓂᕋᕈᑎᐅᔪᑦ. ᑕᒪᕐᒥᒃ ᐱᓕᕆᐊᖃᖅᑎᒋᔭᐅᔪᒃ (ᑐᒃᓯᕋᐅᑎᖃᕐᑐᖅ ᐊᒻᒪᓗ ᑭᐅᔨᒋᔭᐅᔪᖅ(ᔪᑦ) ᑐᓴᖅᑎᑕᐅᓯᒪᓕᕐᓂᐊᖅᑐᑦ ᐃᓱᒪᓕᐅᕈᑎᐅᓯᒪᔪᓂᒃ ᑎᑎᖅᑲᑎᒍᑦ.
- 5 ᓴᐳᔾᔨᓯᒪᓕᕆᐊᕐᓂᖅ ᐅᕝᕙᓘᓐᓃᑦ ᑭᒃᑯᓕᒫᓂᑦ ᐅᐸᒃᓯᒪᔭᐅᔪᓐᓇᕐᓗᓂ ᓈᓚᖕᓂᖃᕐᓂᖅ ᑐᓴᖅᑎᑦᑎᓯᒪᓕᕈᑏᑦ ᑲᔪᓯᑎᑕᐅᓂᐊᖅᐸᑕ, ᓈᓚᒃᑎᒋᔭᐅᔪᑦ ᐱᓕᕆᐊᖃᖅᑎᒋᔭᐅᔪᑦ ᐱᓕᕆᓂᖃᕐᕕᖃᕈᓐᓇᕐᓂᖏᓂᒃ ᓴᐳᔾᔨᒋᐊᖅᑎᒥᒃ ᐋᖅᑭᒃᑕᐅᓯᒪᓕᖁᓪᓗᒋᑦ ᑐᓴᖅᑎᑦᑎᓯᒪᓕᕈᑎᒋᔭᐅᔪᑦ. ᐋᖅᑭᒃᑕᐅᓯᒪᓕᕈᓐᓇᖖᒋᑉᐸᑦ, ᓈᓚᖕᓂᖃᖅᑎᐅᔪᑦ ᐋᖅᑭᒃᓱᖅᑕᐅᓯᒪᓂᖓᒍᑦ, ᑭᒃᑯᑐᐃᓐᓇᓂᑦ ᐅᐸᒃᓯᒪᔭᐅᔪᓐᓇᕐᓗᓂ ᓈᓚᖕᓂᖃᓕᕋᔭᖅᑐᑦ ᑐᓴᖅᑎᑦᑎᓯᒪᓕᕈᑎᓂᒃ.
- 6 ᑭᖑᓪᓕᕐᒥᒃ ᑎᑎᖅᑲᑎᒍᑦ ᐃᓱᒪᓕᐅᕈᑕᐅᓯᒪᓂᖓ ᓇᓗᓇᐃᖅᓯᓯᒪᔾᔪᑎᓂᒃ ᓈᓚᖕᓂᖃᖅᓯᒪᓕᖅᑎᓪᓗᒋᑦ ᐊᒻᒪᓗ ᐊᐃᕙᔾᔪᑎᖏᓂᒃ ᑐᒃᓯᕋᐅᑎᖃᖅᑎᒥᑦ ᐊᒻᒪᓗ ᑭᐅᔨᒋᔭᐅᔪᒥᑦ(ᓂᑦ), ᓈᓚᖕᓂᖃᖅᑎᑦ ᐃᓱᒪᓕᐅᓕᕋᔭᖅᑐᑦ ᑐᒃᓯᕋᐅᑎᖃᖅᑎ ᐃᓚᐃᓐᓈᖅᑎᑕᐅᓚᐅᕐᒪᖔᑦ ᐅᕝᕙᓘᓐᓃᑦ ᐸᕝᕕᓵᖅᑕᐅᓚᐅᕐᒪᖔᑦ, ᐊᒻᒪᓗ ᖃᓄᖅ ᐱᓕᕆᐊᖑᔭᕆᐊᖃᕐᓂᐊᕐᓂᖓᓄᑦ ᐋᖅᑭᒃᑕᐅᓯᒪᓕᕐᓂᐊᕐᓗᓂ ᖃᓄᐃᓕᖓᓐᓂᐅᓕᖅᓯᒪᔪᖅ.