ᐃᓱᒪᓕᐅᕈᑎᒋᔭᐅᓯᒪᔪᑦ ᐊᒻᒪᓗ ᓈᓚᖕᓂᖃᕐᕕᐅᓯᒪᔪᓄᑦ
ᓴᖑᓐᓂᐊᕈᑎᒋᔭᐅᔪᑦ ᐋᖅᑭᒃᑕᐅᓯᒪᓕᖅᐸᒃᑐᑦ ᓴᐳᔾᔨᒋᐊᖅᑎᖃᖅᓱᑎᒃ, ᐅᕝᕙᓘᓐᓃᑦ ᑭᒃᑯᑐᐃᓐᓇᓂᑦ ᐅᐸᒍᑎᕝᕕᐅᔪᓐᓇᕐᓗᑎᒃ ᓈᓚᖕᓂᖃᖅᑎᓪᓗᒋᑦ ᑕᒪᕐᒥᒃ ᐱᓕᕆᓂᖃᖅᑐᒃ ᓴᖅᑮᓯᒪᔪᓐᓇᖅᑎᑕᐅᑎᓪᓗᒋᑦ ᑕᑯᓐᓇᓚᐅᖅᑐᓂᒃ, ᑎᑎᕋᖅᓯᒪᔪᓂᒃ ᐊᒻᒪᓗ ᐊᓯᖏᓂᑦ ᓇᓗᓇᐃᖅᓯᔾᔪᑎᓂᒃ ᐃᑲᔪᕈᑎᐅᓂᐊᕐᓗᑎᒃ ᐱᓕᕆᓂᖃᕐᓂᕐᒥᓐᓄᑦ, ᐊᔾᔨᐅᕐᓚᒃᑎᑕᐅᓯᒪᔪᓄᑦ ᐃᖅᑲᖅᑐᐃᕝᕕᖕᓂ ᐱᓕᕆᓂᐅᕙᒃᑐᓄᑦ. ᐃᓱᒪᓕᐅᕈᑎᒋᔭᐅᓯᒪᓂᖏᑦ ᓇᓂᔭᐅᔪᓐᓇᖅᐳᑦ ᑭᒃᑯᑐᐃᓐᓇᐃᑦ ᐅᐸᒍᑎᓯᒪᖃᑕᐅᑎᓪᓗᒋᑦ ᓈᓚᖕᓂᖃᕐᕕᐅᓯᒪᔪᓄᑦ ᓇᓂᔭᐅᔪᓐᓇᖅᓱᑎᒃ ᑖᒃᑯᐊ ᐊᑖᓂ ᐅᑯᓇᓂ.
ᓈᓚᒃᑎᐅᔪᑦ ᓴᖅᑮᓯᒪᓕᖅᐸᑦᑐᑦ ᑭᒃᑯᑐᐃᓐᓇᓄᑦ ᐃᓱᒪᓕᐅᕈᑎᒋᓯᒪᔭᒥᓂᒃ ᑭᒃᑯᑐᐃᓐᓇᓂᑦ ᐅᐸᒃᑕᐅᔪᓐᓇᖅᓱᓂ ᓈᓚᖕᓂᖃᓚᐅᕐᓂᕐᒥᓐᓄᑦ. ᑭᒃᑯᑐᐃᓐᓇᓄᑦ ᐃᓱᒪᓕᐅᕈᑎᒋᔭᐅᓯᒪᔪᑦ ᐊᑐᐃᓐᓇᐅᑎᑕᐅᕗᑦ ᓈᓚᒃᑎᒃᑯᑦ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᖓᓂ ᐊᒻᒪᓗ ᑲᓇᑕᒥᐅᑦ ᒪᓕᒐᑎᒍᑦ ᑐᓴᒐᔅᓴᖁᑎᓕᕆᔨᑦ ᐃᖅᑲᓇᐃᔭᕐᕕᖓᓂᑦ ᖃᕆᑕᐅᔭᑎᒍᑦ ᐅᕙᓂ CanLII.
ᐃᓚᐅᑎᓪᓗᒍ ᑭᒃᑯᑐᐃᓐᓇᐃᑦ ᐅᐸᒍᑎᔪᓐᓇᖅᑎᑕᐅᓪᓗᑎᒃ ᐃᓱᒪᓕᐅᕈᑎᐅᔪᑦ, ᓈᓚᒃᑎᐅᔪᑦ ᐃᓱᒪᓕᐅᕈᑎᒥᓐᓂᒃ ᑐᓂᓯᓯᒪᓕᕐᓗᑎᒃ ᐱᔾᔪᑎᖃᖅᓱᑎᒃ ᐱᓇᓱᐊᕈᓯᐅᕙᒋᐊᓕᓐᓄᑦ ᐊᒻᒪᓗ ᖃᓄᐃᑕᐅᓯᒪᓂᐅᔪᑦ ᑲᔪᓯᑎᑕᐅᓯᒪᔭᕆᐊᖃᕐᒪᖔᑕ ᓴᐳᔾᔨᒋᐊᖅᑎᖃᕐᓗᑎᒃ ᐅᕝᕙᓘᓐᓃᑦ ᑭᒃᑯᑐᐃᓐᓇᐃᑦ ᐅᐸᒍᑎᓯᒪᔪᓐᓇᕐᓗᑎᒃ ᓈᓚᖕᓂᖃᕐᕕᐅᓂᖓᓄᑦ ᐅᕝᕙᓘᓐᓃᑦ ᖁᔭᓈᖅᑕᐅᓂᐊᕐᒪᖔᑕ ᐊᒻᒪᓗ ᑐᓴᖅᑎᑦᑎᓯᒪᓕᕈᑎᐅᔪᑦ ᒪᑐᔭᐅᓯᒪᓕᕐᓂᐊᕐᓂᖓᓄᑦ.
ᑕᒪᒃᑯᐊ ᐃᓱᒪᓕᐅᕈᑎᐅᔪᑦ ᐱᔾᔪᑎᖃᖅᐸᒻᒪᑕ ᐊᒥᓱᓄᑦ ᐊᔾᔨᒌᖖᒋᐅᖅᓱᑎᒃ ᐱᓕᕆᓂᖃᕐᕕᐅᔪᓄᑦ ᓲᕐᓗ:
- ᖃᓄᐃᑕᐅᓂᕋᕐᕕᐅᔪᖅ ᐊᐅᓚᑦᓯᓂᖃᕐᕕᖏᑕ ᓈᓚᒃᑎᐅᔪᑦ ᐃᓗᐊᓃᒻᒪᖔᑦ (ᖃᓄᐃᑕᐅᓂᕋᕐᕕᐅᔪᖅ ᐃᓗᐊᓃᖃᓯᐅᑎᖖᒋᑉᐸᑕ ᓈᓚᒃᑎᐅᔪᑦ ᐊᐅᓚᑦᓯᓂᖃᕐᕕᖏᓐᓄᑦ ᐱᔾᔪᑎᖃᖖᒋᓪᓗᓂᓗ ᐱᓕᕆᐊᖑᕙᑦᑐᓄᑦ ᓄᓇᕗᒻᒥ ᑭᒃᑯᑐᐃᓐᓇᑦ ᐱᔪᓐᓇᐅᑎᖏᓐᓄᑦ ᒪᓕᒐᖁᑎᖏᑦ);
- ᐱᑕᖃᓪᓚᕆᒻᒪᖔᑦ ᓇᓗᓇᐃᖅᓯᔾᔪᑎᐅᔪᓐᓇᖅᑐᓂᒃ ᐃᓚᐃᓐᓈᖅᑎᑕᐅᓯᒪᓂᕐᒧᑦ ᖃᓄᐃᑦᑕᕆᐊᖃᖖᒋᓐᓂᕐᓄᑦ ᒪᓕᒃᓗᒋᑦ ᒪᓕᒐᖁᑎᐅᔪᑦ ᐅᕝᕙᓘᓐᓃᑦ ᓴᖖᒍᓐᓂᐊᕈᑕᐅᔪᓐᓇᕋᑎᒃ ᓱᓕᓂᖃᖅᑐᓂᒃ ᓇᓗᓇᐃᔭᖅᑕᐅᓯᒪᑦᓯᐊᕐᓱᑎᒃ ᓴᐳᔾᔨᒋᐊᕐᕕᐅᔪᓐᓇᖅᑐᓂᒃ ᐱᑕᖃᖅᑎᑦᓯᓂᕐᒥ ᖃᓄᑐᐃᓐᓇᖅ ᐃᓚᐃᓐᓈᖅᑎᑦᑎᓯᒪᓂᐅᔪᓂ;
- ᖃᓄᐃᑕᐅᓯᒪᓂᕋᕐᑐᒧᑦ ᑐᓴᖅᑎᑦᑎᓯᒪᓕᕈᑏᑦ ᐱᑐᖃᐅᓂᖅᓴᐅᒻᒪᖔᑕ ᑕᐃᒪᖖᒐᓂ ᐅᑭᐅᒃ ᒪᕐᕉᓕᖅᑐᓄᑦ ᑭᖑᓪᓕᕐᒥᒃ ᐃᓚᐃᓐᓈᖅᑎᑕᐅᓯᒪᓂᕆᓚᐅᖅᑕᖓᓄᑦ (ᓈᒻᒪᒃᑐᒥᒃ ᐱᔾᔪᑎᒃᓴᖃᖅᓯᒪᓇᑎᒃ ᑭᖑᕙᖅᑎᑕᐅᓯᒪᓂᐅᔪᑦ); ᐊᒻᒪᓗ
- ᐱᓕᕆᐊᒃᓴᐅᓕᖅᓯᒪᔪᖅ ᐱᓕᕆᐊᖑᐊᓂᓚᐅᕐᓂᕐᒪᖔᑦ ᐊᓯᖏᑎᒍᑦ ᒪᓕᒐᓕᕆᔨᓂ ᐱᓕᕆᐊᖑᓪᓗᓂ.
ᓈᓚᒃᑎᐅᔪᑦ ᐋᖅᑮᓯᒪᓕᖅᐸᒻᒥᔪᑦ ᐊᒥᓱᓂᒃ ᐱᓕᕆᐊᒃᓴᐅᓕᖅᓯᒪᔪᓂᒃ ᓴᐳᔾᔨᒋᐊᖅᑎᖃᕐᓂᖅᑎᒍᑦ ᓈᓚᖕᓂᖃᕐᕕᐅᔭᕆᐊᖃᓚᐅᕋᑎᒃ. ᓴᐳᔾᔨᒋᐊᖅᑎᖃᕐᓂᕐᒥ ᐱᓕᕆᐊᖑᕙᑦᑐᑦ ᑲᖖᒍᓇᖅᑑᑎᑕᐅᓪᓗᑎᒃ ᐱᓕᕆᐊᖑᕙᓪᓕᐊᕙᒻᒪᑕ.
ᑭᒃᑯᑐᐃᓐᓇᐃᑦ ᐅᐸᒍᑎᓯᒪᑎᓪᓗᒋᑦ ᓈᓚᖕᓂᖃᕐᓂᐅᓯᒪᔪᑦ
ᓈᓚᖕᓂᖃᖅᑎᒋᔭᐅᔪᑦ ᒪᕐᕈᐃᖅᓱᑎᒃ ᑭᒃᑯᑐᐃᓐᓇᐃᑦ ᐅᐸᒍᑎᓯᒪᑎᓪᓗᒋᑦ ᓈᓚᖕᓂᖃᓚᐅᖅᐳᑦ.
05-13 ᐸᓛᓐᓯᐊᑦ ᐊᒻᒪᓗ ᕕᓐᑎᐊᑎ ᓈᓚᖕᓂᖃᕐᕕᐅᓂᖓᑦ ᔪᓚᐃ 6, 2011.
06-11 ᐲᑕᐅᓛᓯ ᐊᒻᒪᓗ ᑭᖖᒐᐃᑦ ᓄᓇᓕᖓᓂ ᐊᐅᓚᑦᓯᓂᖃᖅᑎᐅᔪᑦ ᓈᓚᖕᓂᖃᕐᕕᐅᓂᖓᑦ ᑎᓯᐱᕆ 5, 2011.
ᑭᒃᑯᑐᐃᓐᓇᓂᑦ ᐃᓱᒪᓕᐅᕈᑎᐅᓯᒪᔪᑦ
05-13 ᐸᓛᓐᓯᐊᑦ ᐊᒻᒪᓗ ᕕᓐᑎᐊᐃ ᓈᓚᖕᓂᖃᕐᕕᐅᓂᖏᓄᑦ ᐃᓱᒪᓕᐅᕈᑕᐅᓯᒪᓂᖏᑦ
06-11 ᐲᑕᐅᓛᓯ ᐊᒻᒪᓗ ᕼᐋᒻᓚᖓᑦ ᑭᖖᒐᐃᑦ
ᐃᓱᒪᓕᐅᕈᑎᐅᓯᒪᔪᓂᒃ ᓴᖑᓐᓂᐊᕈᑎᖃᕐᓂᖅ
ᒪᓕᒃᓗᒋᑦ ᐊᕕᒃᑐᖅᓯᒪᓂᖏᑦ 38-ᒥ ᐅᖃᖅᑕᐅᓯᒪᓂᖏᑦ ᒪᓕᒐᕐᓂ, ᑐᓴᖅᑎᑦᑎᓯᒪᓕᖅᑎᐅᔪᖅ ᐊᒻᒪᓗ ᑭᐅᔨᒋᔭᐅᔪᑦ ᐃᓱᒪᓕᐅᕈᑎᐅᓯᒪᔪᓂᒃ ᓈᓚᒃᑎᒋᔭᐅᔪᓂᑦ ᓴᖑᓐᓂᐊᕈᑎᖃᕈᓐᓇᖅᑎᑕᐅᕗᑦ ᓄᓇᕗᒻᒥ ᐃᖅᑲᖅᑐᐃᕝᕕᒃᑎᒍᑦ. ᑐᓴᖅᑎᑦᑎᓯᒪᓕᖅᑎᐅᔪᑦ ᐊᒻᒪᓗ ᑭᐅᔨᒋᔭᐅᔪᑦ ᐱᓯᒪᓕᕈᓐᓇᖅᑎᑕᐅᕗᑦ ᑐᓴᒐᒃᓴᓂᒃ ᐱᔾᔪᑎᖃᖅᑐᓂᒃ ᖃᓄᖅ ᓴᖑᓐᓂᐊᕈᑎᓂᒃ ᑐᓂᓯᓯᒪᓕᕈᓐᓇᕐᓂᕐᒧᑦ ᖃᐅᔨᒋᐊᕐᕕᖃᕐᓗᑎᒃ ᐃᖅᑲᖅᑐᐃᕝᕕᓕᕆᔨᓂ ᑎᑎᕋᖅᑎᐅᔪᒥᑦ ᐅᕙᓂ:
Clerk of the Court (ᐃᖅᑲᖅᑐᐃᕝᕕᓕᕆᔨᑦ ᑎᑎᕋᖅᑎᖓ)
Nunavut Court Justice
Iqaluit, NU X0A 0H0
ᐅᖄᓚᐅᑎᖓᑦ: (867) 979-6100
ᓱᒃᑲᔪᒃᑰᕈᑎᖓᑦ: (867) 979-6168
ᖃᕆᑕᐅᔭᑎᒍᑦ: ncj.civil@gov.nu.ca