ᖃᓄᖅ ᑭᐅᓯᒪᓕᕆᐊᖃᕋᔭᕐᓂᖅ ᑐᓴᖅᑎᑦᑎᓯᒪᓕᕈᑎᓄᑦ
ᑐᓴᖅᑎᑦᑎᓯᒪᓕᕈᑎᓂᒃ ᑎᑭᕝᕕᐅᓯᒪᓕᕋᔭᕐᓃᑦ ᐃᓕᓐᓂᒃ ᐅᕝᕙᓘᓐᓃᑦ ᑲᑐᔾᔨᖃᑎᒌᒋᔭᓯ ᐃᓚᐃᓐᓈᖅᑎᑦᑎᓂᖃᓚᐅᕐᓂᕐᓄᑦ ᐅᕝᕙᓘᓐᓃᑦ ᐸᕝᕕᓵᕆᓚᐅᕐᓂᕐᓄᑦ ᐃᒃᐱᓐᓂᐊᒍᑎᒃᑯᑦ ᐊᒻᒪᓗ ᐊᒃᓱᕈᕐᓇᖅᑐᒃᑯᑦ ᐊᑐᓕᖅᓯᒪᔾᔪᑎᐅᔪᓐᓇᕐᒪᑕ ᑕᒪᐃᓐᓄᑦ ᐊᑕᕝᕕᖃᖅᑐᓄᑦ ᑕᒪᑐᒧᖓ. ᓈᓚᒃᑎᒋᔭᐅᔪᖁᑎᕗᑦ ᐊᒃᓱᕈᕈᑎᖃᖅᓱᑎᒃ ᑐᑭᒧᐊᒃᑎᐅᔪᓐᓇᕐᒪᑕ ᐃᓕᓐᓄᑦ ᐱᓕᕆᐊᖑᕙᓪᓕᐊᓂᖏᑎᒍᑦ ᐅᐱᒍᓱᑦᑎᐊᖅᑑᓗᑎᒃ, ᐃᒃᐱᒍᓱᑦᑎᐊᖅᑑᓗᑎᒃ ᐊᒻᒪᓗ ᐱᓕᕆᓂᖃᕈᓐᓇᑦᑎᐊᖅᑑᓗᑎᒃ.
ᖃᓄᐃᓕᐅᓕᕆᐊᖃᕐᓂᖅ ᐊᓯᓐᓂᑦ ᑐᓴᖅᑎᑦᑎᓯᒪᓕᕈᑎᑎᒍᑦ ᐸᓯᔭᒃᓴᐅᓕᖅᑎᑕᐅᒍᕕᑦ.
ᓈᓚᖕᓂᖃᖅᑎᒋᔭᐅᔪᓂᑦ ᐊᐅᓪᓚᖅᑎᑦᑎᕝᕕᐅᓐᓂᕈᕕᑦ ᑐᓴᖅᑎᑦᑎᓯᒪᓕᕈᑎᓂᒃ ᐸᓯᔭᒃᓴᐅᓕᖅᑎᑦᑎᓯᒪᔪᓂᒃ ᐃᓕᓐᓂᒃ ᐅᕝᕙᓘᓐᓃᑦ ᑲᑐᔾᔨᖃᑎᒌᒋᔭᑦᓯᓐᓂᒃ ᐃᓚᐃᓐᓈᖅᑎᑦᑎᓚᐅᕐᓂᕐᒧᑦ ᐅᕝᕙᓘᓐᓃᑦ ᐸᕝᕕᓵᓚᐅᕐᓂᕐᒧᑦ ᐊᐱᕆᔭᐅᓯᒪᓕᕐᓂᐊᕋᕕᑦ ᑭᐅᓯᒪᓕᕈᑎᓂᒃ ᑕᑕᑎᕆᐊᓕᓐᓂᒃ ᑕᑕᑎᕆᖁᔭᐅᓗᑎᑦ ᐊᒻᒪᓗ ᐅᑎᖅᑎᓪᓗᒋ5 ᐊᐅᓪᓚᖅᑎᓯᒪᓕᖁᓗᒋᑦ ᑕᑕᑎᓚᐅᖅᑕᑎᑦ ᓈᓚᖕᓂᖃᖅᑎᐅᔪᓄᑦ ᐅᓪᓗᐃᑦ 60 ᐊᑐᖅᐸᓪᓕᐊᓂᖏᓐᓂ.
ᑐᓴᖅᑎᑦᑎᓯᒪᓕᕈᑏᑦ ᑭᔭᐅᓯᒪᓕᕆᐊᖃᖅᐱᒃᑲ?
ᖁᔭᓈᑐᐃᓐᓇᕆᐊᖃᖖᒋᓪᓚᕆᒃᑕᑎᑦ ᐃᓗᐃᒃᑲᐅᓗᒋᑦ ᑕᑕᑎᕆᐊᓕᖁᑏᑦ ᐊᒻᒪᓗ ᑐᓂᓯᒪᓕᕆᐊᖃᒃᑲᑎᑦ ᑭᐅᓯᒪᓕᕈᑎᒋᔭᕆᐊᖃᖅᑕᑎᑦ. ᒪᓕᒐᓕᕆᔨᑎᒍᑦ ᖃᓄᐃᑕᐅᓯᒪᓕᕈᑎᒋᔪᓐᓇᕋᓐᓂ ᐅᑎᖅᑎᓯᒪᓕᖖᒋᒃᑯᕕᒋᑦ ᑭᐅᓯᒪᓕᖁᔭᐅᔪᑦ. ᑕᒪᒃᑯᐊ ᐃᓚᖃᕈᓐᓇᕐᒪᑕ ᑎᓕᔭᐅᓯᒪᔾᔪᑎᓂᒃ ᐃᓕᓐᓄᑦ ᐊᑭᓖᓯᒪᓕᖁᔭᐅᓗᑎᑦ ᐊᓯᕈᖅᑎᕆᓯᒪᓂᕐᓄᑦ ᑐᒃᓯᕋᐅᑎᖃᖅᑐᒥᒃ (ᑮᓇᐅᔭᓂᒃ ᖃᓄᐃᓕᐅᕈᑎᖃᕐᓂᕆᓚᐅᖅᑕᕐᓄᑦ ᐃᓚᐃᓐᓈᖅᑎᑦᑎᓯᒪᓪᓗᑎᑦ ᐅᕝᕙᓘᓐᓃᑦ ᐸᕝᕕᓵᕆᓯᒪᓪᓗᑎᑦ). ᑕᒪᒃᑯᐊ ᑎᓕᔭᐅᓯᒪᓕᕈᑏᑦ ᐃᖅᑲᖅᑐᐃᕝᕕᒃᑎᒍᑦ ᐊᑐᓕᖅᑎᑕᐅᓯᒪᔪᓐᓇᕐᒪᑕ. ᖃᓄᑐᐃᓐᓇᖅ ᐊᐱᖅᑯᓯᒃᓴᖃᕐᓂᕈᕕᑦ ᐱᔾᔪᑎᒋᓪᓗᒋᑦ ᑐᓴᖅᑎᑦᑎᓯᒪᓕᕈᑏᑦ ᐅᕝᕙᓘᓐᓃᑦ ᐋᖅᑮᒋᐊᕐᓂᕐᒧᑦ ᐱᓕᕆᐊᖑᕙᓪᓕᐊᓂᐅᕙᒃᑐᓄᑦ, ᓄᓇᕗᒻᒥ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᓕᕆᓂᕐᒧᑦ ᓈᓚᒃᑎᒃᑯᓐᓂ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᓕᕆᔨᖓᑦ ᐊᑐᐃᓐᓇᐅᕗᖅ ᐃᑲᔪᖅᑎᐅᔪᓐᓇᖅᑎᑕᐅᓪᓗᓂ ᐅᕙᓂ 1-866-413-6478 ᐊᑭᖃᖖᒋᑦᑐᒃᑯᑦ.
ᖃᓄᖅ ᑭᐅᓯᒪᓕᕋᔭᕐᓂᖅ.
ᑎᑭᕝᕕᐅᓯᒪᓕᕐᓂᕈᕕᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᓕᕆᓂᕐᒧᑦ ᓈᓚᒃᑎᒋᔭᐅᔪᑦ ᑐᓴᖅᑎᑦᑎᓯᒪᓕᕈᑎᖓᓐᓂᒃ, ᐅᖃᖅᓯᒪᓪᓗᑎᒃ ᐃᒡᕕᑦ ᖃᓄᐃᓕᐅᕈᑎᖃᓚᐅᕐᓂᕐᓄᑦ ᐃᓚᐃᓐᓈᖅᑎᑦᑎᓯᒪᓪᓗᑎᑦ ᐅᕝᕙᓘᓐᓃᑦ ᐸᕝᕕᓵᕆᓯᒪᓪᓗᑎᑦ ᐱᓕᕆᓂᖃᕆᐊᖃᓪᓚᕆᒃᑎᑕᐅᕗᑎᑦ ᐃᓗᐃᒃᑲᐅᓗᒋᑦ ᑭᐅᓯᒪᓕᕈᑎᓂᒃ ᑕᑕᑎᕆᐊᓕᓐᓂᒃ ᑕᑕᑎᕆᓗᑎᑦ (ᐊᒧᔭᐅᓯᒪᓕᕈᓐᓇᖅᑐᑦ ᑕᑕᑎᕆᐊᓕᖁᑏᑦ ᒫᓐᓇ) ᐊᒻᒪᓗ ᑐᓂᓯᒪᓕᕐᓗᒋᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᓕᕆᓂᕐᒧᑦ ᓈᓚᖕᓂᖃᖅᑎᒋᔭᐅᔪᑦ ᐊᓪᓚᕝᕕᖓᓐᓄᑦ.
ᑭᐅᓯᒪᓕᕈᑎᑦ ᑕᑕᑎᕆᐊᓕᓐᓂᑦ ᐊᐱᕆᔭᐅᓯᒪᓂᐊᕋᕕᑦ ᒪᑯᓂᖓ ᓇᓗᓇᐃᔭᐃᖁᔭᐅᓗᑎᑦ:
- 1ᖃᓄᐃᓕᐅᖅᓯᒪᓂᕐᓄᑦ ᐸᓯᔭᒃᓴᐅᓂᕋᐃᔾᔪᑎᐅᓪᓗᑎᒃ ᓇᓗᓇᐃᔭᐅᑎᖏᓄᑦ ᑐᒃᓯᕋᐅᑎᖃᖅᑐᒥᑦ ᐃᖅᑲᐅᒪᔭᕐᓂᒃ.
- 2ᐊᑎᖏᓂᒃ ᐊᒻᒪᓗ ᖃᐅᔨᒋᐊᕐᕕᐅᔪᓐᓇᖅᑐᓂᒃ ᑭᓇᑐᐃᓐᓇᒥᑦ ᑕᑯᓐᓇᖃᑕᐅᓚᐅᖅᑐᒃᓴᐅᔪᒧᑦ ᖃᓄᐃᓕᐅᕈᑎᐅᓚᐅᖅᑐᓄᑦ.
- 3ᓇᓗᓇᐃᔭᕐᓗᒋᑦ ᖃᓄᐃᑦᑐᑐᐃᓐᓇᐃᑦ ᓯᕗᕐᖓᓂ ᐋᖅᑮᓯᒪᓕᕋᓱᒍᑕᐅᓚᐅᖅᑐᓂᒃ.
- 4ᓇᓗᓇᐃᔭᐃᓗᑎᑦ ᖃᓄᖅ ᐃᓕᖓᓐᓂᐅᓕᖅᓯᒪᔪᑦ ᐋᖅᑭᒃᑕᐅᓯᒪᓕᖁᒻᒪᖔᕐᓃ.
- 5ᒪᓕᒐᓕᕆᔨᕕᑦ ᒥᒃᓵᓄᑦ ᑐᓴᒐᔅᓴᓂᒃ ᖃᓄᖅ ᖃᐅᔨᒋᐊᕐᕕᐅᔪᓐᓇᕐᒪᖔᑦ, ᐊᑐᓕᖅᑎᑕᐅᓯᒪᓐᓂᖅᐸᑦ.
ᑭᐅᓯᒪᓕᕈᑎᑦ ᑕᑕᑎᕆᐊᓕᓐᓂᑦ ᐊᐱᕆᔭᐅᓯᒪᓂᐊᕋᕕᑦ ᓇᖕᒥᓂᖅ ᐅᖃᐅᓯᒃᓴᖃᕐᕕᒋᔭᕐᓄᑦ ᖃᓄᐃᓕᐅᖅᓯᒪᓂᐅᔪᓄᑦ ᐊᒻᒪᓗ ᑭᐅᔾᔪᑎᒃᓴᕆᔭᕐᓂᒃ ᑐᒃᓯᕋᐅᑎᖃᖅᑐᒥᑦ ᐸᓯᔭᒃᓴᐅᓂᕋᐃᔾᔪᑎᖏᓐᓄᑦ.
ᑎᑎᕋᖅᑕᐅᓯᒪᔪᑦ ᐃᑲᔪᕈᑎᐅᔪᓐᓇᕐᑐᑦ ᑭᐅᔾᔪᑎᒋᔭᕐᓄᑦ ᐃᓚᐅᔭᕆᐊᖃᖅᑐᑦ ᑭᐅᔾᔪᑎᖕᓂ. ᐊᔪᕐᓇᙱᑦᑕᕌᖓ, ᓗᐊᐃᔭᒧᑦ ᐱᔨᑦᑎᕋᐅᑎᓂᒃ ᖃᐅᔨᓇᓱᒋᐊᖃᖅᑐᑎᑦ ᐱᔪᓐᓇᐅᑎᖃᖅᑐᓂᒃ ᓄᓇᕗᒥᑦ ᒪᓕᒐᓕᕆᓂᕐᒥᒃ (ᑕᑯᓗᒍ https://www.lawsociety.nu.ca/). ᐊᓯᖕᓄᑦ ᐃᑲᔪᖅᑕᐅᔪᓐᓇᕐᒥᔪᑎᑦ ᐃᓚᖕᓂᒡᓘᓐᓃᑦ ᓄᓇᓕᖕᓂᓪᓘᓐᓃᑦ ᐅᕙᑦᑎᓐᓄᑦ ᐅᖃᖃᑎᖃᕈᒪᑎᓪᓗᑎ.
ᖃᓄᖅ ᑐᓂᓯᓯᒪᓕᖅᐸᒍᓐᓇᕐᓂᖅ
ᑕᑕᑎᕆᐊᓖᑦ ᑕᑕᑎᖅᑕᐅᔪᓐᓇᖅᐳᑦ ᐅᖃᖅᐸᓪᓕᐊᑎᓪᓗᒍ ᑎᑎᕋᖅᑕᐅᕙᓪᓕᐊᓗᑎᒃ ᐅᕝᕙᓘᓐᓃᑦ ᑎᑎᕋᖅᓯᒪᔪᑎᒍᑦ ᐊᒻᒪᓗ ᓇᓕᑐᐃᓐᓇᖏᑎᒍᑦ ᐃᓕᑕᕆᔭᐅᓯᒪᓪᓗᑎᒃ ᐅᖃᐅᓯᖅᑎᒍᑦ ᓄᓇᕗᒻᒥ. ᑎᑎᖅᑲᓂᐊᕐᕕᒃᑎᒍᑦ, ᓱᒃᑲᔪᒃᑰᕈᑎᑎᒍᑦ, ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᐅᓪᓚᖅᑎᑕᐅᔪᓐᓇᖅᐳᑦ ᓈᓚᒃᑎᒋᔭᐅᔪᑦ ᐊᓪᓚᕝᕕᐊᓄᑦ ᑐᕌᖅᑎᓪᓗᒋᑦ ᓈᓚᒃᑎᒋᔭᐅᔪᑦ ᐊᓪᓚᕝᕕᒻᒥ ᐃᓱᒪᑕᐅᔪᒧᑦ.
Nunavut Human Rights Tribunal
PO Box 15
Coral Harbour, NU X0C 0C0
ᐅᖄᓚᐅᑎᖓᑦ: (ᐊᑭᖃᖖᒋᑦᑐᒃᑯᑦ): 1-866-413-6478
ᓱᒃᑲᔪᒃᑰᕈᑎᖓᖓᑦ: (ᐊᑭᖃᖖᒋᑦᑐᒃᑯᑦ): 1-888-220-1011
ᖃᕆᑕᐅᔭᑎᒍᑦ: nunavuthumanrights@gov.nu.ca
“ᐱᓕᕆᓂᖃᖅᑎᐅᔪᑦ”
ᑐᒃᓯᕋᖅᑎᐅᔪᖅ ᐃᓅᒻᒪᑦ ᐃᓕᓐᓂᒃ ᑕᐃᓯᓯᒪᓪᓗᓂ ᖃᓄᐃᓕᐅᕐᓂᕋᖅᓯᒪᓪᓗᓂᑎᑦ ᐃᓚᐃᓐᓈᖅᑎᑦᓯᓯᒪᓪᓗᑎᑦ ᐅᕝᕙᓘᓐᓃᑦ ᐸᕝᕕᓵᕆᓚᐅᖅᓯᒪᓂᕐᓄᑦ. ᐃᒡᕕᑦ (ᑭᐅᔨᒋᔭᐅᓪᓗᑎᑦ), ᐊᓯᖏᓪᓗ ᑕᐃᔭᐅᓯᒪᖃᑕᐅᓪᓗᑎᒃ ᑭᐅᔨᒋᔭᐅᔪᑦ, ᐊᒻᒪᓗ ᑐᒃᓯᕋᖅᑎᐅᔪᑦ ᑕᐃᔭᐅᓯᒪᓂᖃᖅᑎᑕᐅᒐᑦᓯ ᐱᓕᕆᓂᖃᖅᑎᐅᔪᓂᒃ ᑐᓴᖅᑎᑦᑎᓯᒪᓕᕈᑎᓂ.
ᖃᓄᖅ ᐱᓕᕆᓂᖃᕐᕕᐅᓕᕋᔭᖅᐸᑦ ᑐᓂᓯᒪᓕᐊᓂᒃᓗᒋᑦ ᑭᐅᔾᔪᑎᒋᔭᒃᑲ?