ᐃᓅᓪᓗᖓ ᒪᒃᑯᒃᑑᕗᖓ ᒪᒃᑯᕕᒃ, ᓄᓇᑦᓯᐊᕗᒻᒥ ᓄᐊᕙᐃᒥ ᐃᓚᖃᖅᖢᖓ ᓅᓚᐅᖅᓯᒪᕗᖓ ᓄᓇᕗᒻᒧᑦ 2017−ᒥ. ᐊᐃᑉᐸᖃᕐᓇᖓ ᐊᓈᓇᐅᕗᖓ ᐊᑕᐅᓯᕐᒥ ᐊᒻᒪ ᐃᖅᑲᓇᐃᔭᓲᖑᕗᖓ ᐃᖃᐃᓕᓴᐃᔨᐅᕗᖓ ᕿᑭᖅᑕᓂ ᐋᓐᓂᐊᕕᖓᓂ ᐅᕙᓂ ᐃᖃᓗᐃᑦ, ᓄᓇᕗᒻᒥ. ᐃᖅᑲᓇᐃᔮᓐᓄᑦ ᐊᐅᓛᓲᖑᕗᖓ ᑭᙵᕐᓄᑦ, ᕿᑭᖅᑕᕐᔪᐊᖅ, ᐃᒡᓗᓕᒃ ᐊᒻᒪ ᓴᓂᕋᔭᖕᒧᑦ ᓄᓇᓕᖕᓂ ᐳᓚᕋᕆᐊᖅᖢᖓ.

ᐃᖃᐃᓕᓴᐃᔨᐅᓪᓗᖓ ᐃᑲᔪᖅᓱᐃᓲᖑᕗᖓ ᐊᒻᒪ ᐃᑲᔪᖅᓱᐃᓲᖑᕗᖓ ᐃᓄᖕᓄᑦ ᐅᑎᖅᑎᕆᓂᕐᒥ ᓴᖕᒥᓂᖅᓱᕈᓐᓇᕐᓂᖏᓐᓂ ᐊᒻᒪ ᐊᐅᓚᓂᕐᒧᑦ ᐃᖏᕐᕋᔪᓐᓇᕐᓂᖏᓐᓂ ᖃᐅᑕᓵᒥ ᐱᓕᕆᐊᕆᔭᐅᕙᒃᑐᓄᑦ. ᐱᓕᕆᖃᑎᖃᓲᖑᕗᖓ ᖃᓄᑐᐃᓐᓇᖅ ᐅᑭᐅᓕᖕᓂ ᓄᑕᕋᓛᓂ ᐃᓄᑐᖃᕐᓄᑦ.

ᐊᕐᕌᒍᑦ 15 ᐅᖓᑖᓂ ᐱᓕᕆᓂᖃᖅᐳᖓ ᐱᓕᕆᖃᑎᖃᕐᓂᕐᒥ ᐱᒋᐊᕐᓂᕆᔭᖏᓐᓂ ᓄᓇᓕᖕᓂ ᑐᖄᖅᑎᑦᑎᔪᓄᑦ ᑲᑐᔾᔨᖃᑎᒌᖑᔪᓂ, ᐱᓕᕆᐊᒃᓴᓂ, ᑲᑎᒪᔨᕋᓛᖑᔪᓂᑦ ᐊᒻᒪ ᑲᑎᒪᔨᓄᑦ ᑭᒡᒐᖅᑐᐃᓂᐅᔪᒥ ᐅᕙᙶᖅᑐᓂ ᐊᕙᑎᒧᑦ ᑲᒪᒋᔭᖃᕐᓂᕐᒥ, ᒪᒃᑯᒃᑐᓂ ᐃᓴᒃᓯᒪᓂᕐᒧᑦ/ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ, ᖃᓪᓗᓈᑦ ᓄᓇᖓᓐᓂ ᓄᓇᖃᖅᑳᖅᓯᒪᔪᓄᑦ ᐃᑲᔪᖅᓱᐃᓂᕐᒥ/ᐱᓕᕆᐊᖑᓂᐅᔪᓂ ᐊᒻᒪ ᐃᓅᖃᑎᒌᖑᔪᓄᑦ ᐃᑲᔪᖅᓱᐃᓂᐅᔪᒥ ᓄᓇᖃᖅᑳᖅᓯ, ᔪᓄᑦ ᐊᑲᐅᙱᓕᐅᕈᑕᐅᔪᓄᑦ.

ᐆᒃᑑᑎᐅᔪᖅ ᖃᔅᓯᐊᕐᔪᖕᓂ ᐃᓱᒻᒥᖅᑐᐃᔨᐅᔪᓄᑦ ᑲᑎᒪᔨᓃᖃᑕᐅᓪᓗᖓ ᑲᓇᑕᒥ ᑲᑐᔾᔨᖃᑎᒌᖑᔪᒥ ᐃᓚᓐᓇᕇᖕᓂᐅᑉ ᒥᒃᓵᓄᑦ ᑲᑎᕝᕕᖕᓂ ᐃᑲᔪᖅᓱᐃᓲᖑᔪᓂ ᑲᓇᑕᐅᑉ ᐊᕕᒃᑐᖅᓯᒪᓂᖓᓂ ᐊᒻᒪ ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑕᐅᓂᖏᓐᓂ ᐃᑲᔪᖅᓱᐃᓂᕐᒧᑦ ᖃᓪᓗᓈᑦ ᓄᓇᖓᓐᓂ ᓄᓇᖃᖅᑳᖅᓯᒪᔪᓄᑦ ᐱᓕᕆᐊᖑᔪᓂ ᐱᓕᕆᕝᕕᓂᑦ. ᐊᑕᐅᓯᐅᖃᑕᐅᓪᓗᖓ ᑐᕌᖅᑎᑦᑎᓂᐅᔪᓂ ᐋᖅᑭᒃᓱᐃᔨᐅᔪᓄᑦ ᒪᔅᒃᕌᑦ ᓈᒻᒪᒃᓯᑎᒍᒃᐱᓕᕆᐊᖑᓂᐅᔪᒥ ᐃᒪᕐᒧᑦ ᐆᒻᒪᖅᑯᑎᓄᑦ ᐱᓕᕆᐊᒃᓴᐅᔪᒥ ᓛᐸᑐᐊᒥ ᐊᒻᒪ ᑐᕌᖅᑎᑦᑎᒋᓪᓗᖓ ᑲᓇᑕᒥ ᐸᖅᓴᐃᓂᕐᒧᑦ ᐊᒻᒪ ᓴᐳᔾᔨᓂᕐᒧᑦ ᐱᓕᕆᕝᕕᖕᒥ ᓛᐸᑐᐊᒧᑦ ᒪᒃᑯᒃᑐᒥ ᐃᓄᖕᒥ ᓄᑲᑉᐱᐊᕐᒥ, ᐴᑕᓐ ᐅᕿᓐᑐᔅ, ᕿᐅᓪᓗᓂ ᐃᓅᔪᓐᓃᓚᐅᖅᑐᒥ ᐱᑕᖃᙱᓗᐊᕐᓂᖓᓄᑦ ᐱᔨᑦᑎᕋᕐᓂᕐᒥ ᐃᓄᖕᓄᑦ ᓄᓇᓕᐅᔪᓄᑦ ᐅᐊᖕᓇᒥ ᓛᐸᑐᐊᒥ. ᒫᓐᓇᓕᓴᐅᓛᖑᔪᒥ ᑐᕌᖅᑎᑦᑎᓚᐅᖅᐳᖓ ᐃᖃᓗᖕᓂ ᐃᒪᕐᒧᑦ ᑮᓇᐅᔭᖃᖅᑎᑦᑎᓂᐅᔪᒥ ᐅᖅᓱᐊᓗᒃᓴᒥ ᓇᓂᔭᐅᓚᐅᖅᑎᓪᓗᒋᑦ ᓄᓇᓕᐸᐅᔭᐅᑉ ᐃᒥᖅᑕᕐᕕᖓᓐᓂ. ᑮᓇᐅᔭᐃᑦ ᐱᕈᖅᓴᔭᐅᔪᑦ ᑮᓇᐅᔭᑎᒍᑦ ᐃᑲᔪᖅᓱᐃᓂᖃᓚᐅᖅᐳᑦ ᐊᑦᑕᓇᙱᑦᑐᓂ ᐱᓕᕆᓂᐅᔪᓂ ᐊᑐᐃᓐᓇᖃᕐᓂᕐᒥ ᓴᓗᒪᔪᒥ ᐃᒥᖅᑕᐅᓂᐊᖅᑐᓂ ᐴᖑᔪᑎᒍᑦ, ᑐᓐᓂᖅᓴᖅᑕᐅᓂᖏᓐᓂ, ᐅᓯᑲᑦᑕᖅᑕᐅᓂᖏᓐᓂ ᐊᒻᒪ ᐃᑲᔪᖅᓱᐃᓂᕐᒥ ᓯᖓᐃᔪᓄᑦ ᐊᓈᓇᐅᔪᓄᑦᔭ ᐃᓚᖃᖅᑐᒥ ᑐᓂᓯᓂᕐᒥ ᐊᒫᒪᒃᑕᐅᔪᒃᓴᓂ ᓴᓇᓯᒪᕙᒌᖅᑐᓂ.

ᐃᓕᓐᓂᐊᖅᑎᑕᐅᖏᓐᓇᖅᓯᒪᕗᖓ ᓄᓇᓕᓕᒫᒥᒃ ᐱᕈᖅᓴᐃᓐᓇᖅᐳᖅ ᓱᕈᓯᕐᒥ ᐊᒻᒪ ᐅᒃᐱᕈᓱᒃᐳᖓ ᐅᓇ ᑕᐃᒪᐃᓐᓂᖓᓄᑦ ᑭᒃᑯᓕᒫᓄᑦ−ᐃᓱᒪᒋᓇᒍ ᐅᑭᐅᕆᔭᐅᔪᓂ. ᐸᖅᑭᖃᑦᑕᐅᑎᔭᕆᐊᖃᖅᐳᒍᑦ−ᐃᓄᐃᑦ ᐱᖅᑯᓯᕆᕙᖓ. ᑐᓂᓯᓂᕐᒥ ᖃᐅᔨᒪᔭᓐᓂ ᐊᒻᒪ ᐊᑐᕐᓂᑯᓐᓂ ᑲᑎᒪᔨᐅᔪᓄᑦ ᑕᐃᒪᑐᖅ ᐃᑲᔪᕐᓂᖃᕐᓂᐊᖅᐳᖅ ᑕᐃᒃᑯᓄᖓ ᑐᒃᓯᕋᖅᐸᒃᑐᓂ ᐃᑲᔪᖅᓯᖅᑕᐅᔪᒪᓂᖏᓐᓂ.