Inuuyunga Makkovikmit, Nunatsiavumi ilakakhunga Norwegian ilanganik nuutitihimayuk Nunavumut ukiumi 2017. Amaamauyunga aipakangitumik ovalo havaktunga Taaktini Qikitani Aniakviani hamani Iqalumi, NU. Havaamni autlaaktaktunga Kinngainut, Qikiqtarjuaqmut, Iglulikmut, ovalo Sanirajak pulaakatakhunga nunalaanut.

Taaktiupluni ikayuktunga ovalo akhuuktunga Inuit pihimanahuagutainik inminiigutainut ovalo nuutitilaalutik ubluk tamaat havaktainik. Havakatigiinaktunga kinakianik, Inutkutjagit Nutakanut.

Havakhimayunga 15nik ukiunik nunalaani havakviini, hanayakhani, katimayigaani ovalo katimayiit ilaukatauplunga pihimayainik Avatiligiyiini munagitjutainik, Inuulgamiit ikayukhugit/Inminiiktailigiyiinik, Angiyuni nunalaani Nunakakaakhimayut ikayukhunnga/pilihimatjutiliukhunga ovalo Inuuligiyiit akhuugutiplunga Nunakakaakhimayut ihumagiyainik.

Hapkoa ilauyut katimayiinut Kanatami Katutjikatingit Ilanalikatigiit Havakviani nani akhuukhimayuk pravinsiit ovalo Kavamatukatkuni manikhiuktunik ikayugiaganik angiyuni nunalaani pilihimatjutikhainik. Hivuliuplunga munagiyiit Munagitjutikhainik Muskrat Nangminiigutikhainik tuhaktigutikhainut kuugainik kuliligiyiinahuaktunik hanayakhait Labradormi ovalo hivuliktiuhimayuk Kanatami Kinikhiayut ovalo Piyaktuktut tamakhimayunut havakviani Labradormi Inuulgamik, Burton Winters, tukuhimangmat kiuhimayainit pikangititlugit ikayugutikhainik Inuit nunalaangini Ukiuktaktuani Labradormi. Ublumi, hivuliuyuk Iqaluit imanik ayokhaktitlugit manikhakhiuktitlugit Iqalumiukatigiit imiktakvikhainik nakuuyunik. Manikhakhiukhimayuk aniktitailigiyiinik imiktakviinit, halumayunik imainik akhuukhuni, tunikhaitjutikhainik imiktakvikhait halumayunik pilaagiaganik akyagutikhainik, tunikhaitjutikhainik hingaihimayunut aknait. Ilanganut ikayukhuni naniutinik amaamautikhanik nutakat nakuuyunik.

Ilihaktauhimayunga ilaani tamapta nunakatigiit munagiyukhauyugut nutakaptinik ovalo ukpsgiyunga hamna ilakatiptinik ilauyukhat – kinaugalualutik ukiungit. Munagikatigiiktukhauyugut Iakatiptinik – Inuit taimaatut pivangmata. Tunilutik kauyimayainik ovalo ayongitainik apikhuktinut ikayugumagama tahapkonani apigiyunit ikayugutikhainut.