Trisha Crocker Inuinnauyuq hivuliqti Kangiqliniqmiutaq, Nunavunmi, tunngaviqattiaqtuq ilitquhiinik nunallaarminiklu.  Aulapkaiyiryuangupluni Havaktighaliqiyinit Nunavut Tunngavikkut Timiqutaanit malruiqhunilu katimayiuvaghuni talvani Nunavunmi Inuit Pilaarutainik Ihuaqhaiyinit, qarritjiyuq kannguhuittumik naklikkutikkullu nipaanik talvunga ikpatingmut-hanayauhimayuq inuuhianit ilihimaliqtainit ingilratjutiqaqhuni ikayurumanianik Inungnik pilaarutainut naatkutigiingniqmullu.

Havaaghait hanayauhimapluni makitittinikkut inungnik-maligaghaliurnikkut talvunga havaqatigiingnik aullaqtivalliapluni-Trisha katimayiuhimayuq qaffinit katimayinit Nunavunmi tamaat hivuliqtiuvaghuni havaamingnit ilittuqhitiyunik tamangnik havauhittiakkut ihumaliurniq ilitquhinullu tamatkiumaniqmik.  Havagumania hakugingniinit aulavaktuq: ilamingnit.  Ikayuqtaupluni uimingnit piyumavalliatjutigiplugit nutaraita, Trisha havakpaktuq upluq tamaat nipiuyumapluni Inuuqatigiingminut tunmirauplunilu ilitquhinit iniqhivallianiqmiklu.

Talvani katimavingniittuni nunallaarmiut katimavianiluuniit, Trisha hivuliqtiuvaktuq ukpirnaqtukkut, uummataanit, iniqniaqhimaplunilu hanayunik nakuuyunik aallannguqtirutinik hivunighaptingni qatanngutighaptingnut.