Jasmine Elisapi Redfern inikhimayuk ilingiagiagutainit Nunavumit Akigaktiligiyiit Pilihimatjutainit pihimayait iniktigutainik Juris Doctorate Universitimit Saskatchewan. Ilihaktilugu ilitagiyauhimayuk ilihagutainit iniktigutait ovalo nunalaanit ilautjutainik, ilauyut Brad Berg & Brian Rolfes LGBTmik Nangniniigutait Ilihaktut Ikayugutainik. Jasmine ayoikhaihimayuk hapkonatkuni Lawson Lundell LLP ovalo the Nunavumi Maligaliuligiyiit Katimayiinut. Atiktauhimayut Nunavumi Inuit Nangminiigutait Apikhuktiinut ukiumi 2017, Jasmine ilauhimayuk Ikhivautaulikhuni Apikhuktiinut ukiumi 2021.

Jasmine tunihimayuk avataanut kulinik ukiunik Inuit Pikuyaligiyiinut ovalo Pilihimatjutikhainik ihumagivlugit Nunakakaakhimayut aknait, inuulgamiit ovalo hapkoa 2SLGBTTQ+ nunakatigiinut. Ublumi katimayiuliktuk Nunakakaakhimayut Inuit Akhuugutainut Maniligiyiit ovalo Angayukaap Tuklianik Kanatami Nunakakaakhimayut Akigaktiligiyiit Ilihaktut Katimayiinut ovalo Titigakti/Maniligiyit hapkonani Amautiit Inuit Aknait Katutjikatingit.

Kingulimi havakhimayait ilauyut Ikayukti Atanguyat Inuligiyiit ovalo Pitkutiligiyiit Hanatiligiyiinut Nunavut Tunngavikuni, Angayukaap Tuklia Embrace Life Katimayiinut, Ikhivautaukatigiikhuni Inuit Katimayiit ilanganut Kanatami Nunakakaakhimayut Katimayiit HIV/AIDS, ovalo hivuliuyuk katimayiinut Kanatami Nunakakaakhimayut Inuulgamiit Aknait Katimayiini.

Jasmine akhuuginaktuk atukluni aniktitailigiyiit ovalo inuuhitjutait tamamik Nunavummiut iniktiklugit Inuit Nangminiigutait Pikuyakyuat. Ayoikhaihimayuk akigaktiligiyiinik, Jasmine piniaktok hakugikhinahualugit ilaukatauyunit aalanut akigaktiligiyiit iniktigutainik ovalo nutaanik akigaktiligiyiit havalaaktut.