Qanuriliniaq kinguagut tunihiguma kiutyutimnik?

Tunihitaruvit kityutiknik, atuqtakhat hivulliq pingahuanut iniqtut. Uumani makpiraq titiqtai tapkuat ilagiyai taphuma tuhaqhityut pityuhit havariyai tapkuat Nunavut Inungnut Pilarutit Apiqhuiyiralaat.

Naunaiyaut

Apiqhuiyiralaat havakti naunaiyaqniagai Kiutyutitit atuqpiariakhai tapkuat piyalgit tuahagakhat piqaqtitauyangi tapkuatut:

  • Turarutit tuhagakhatit;
  • tamna titiraq sainiqnia;
  • ihumagiyatit huliniqnut;
  • ikayuqhiutitit titiqat; tamnalu
  • piyaqalirangat uvaluniit tukhiqtauni, titiqat kipuktauyut uqauhiqmun tapkuat Piqatauyut aturumayai.

Tukhiqtaukpat, tapkuat Apiqhuiyiralaat ihuaqhiniaqtat kipuktauninik tapkuat titiqat ahianut aturialgit uqauhiq.

Ayyikkuta Kiutyutit tuyutauniaq taphumunga Tukhiraqtumun. Kiutyutit hatqiqtittikpat kitunikluniit nutat uvaluniit pipkaqtitauni taphumunga Tukhiraqtuq, tamna Tukhiraqtuq pivikhaqalaq kiuniq Kiutyutiknut.

Tamna Tuhaqhityut Kiutyutitlu naunaiqyagauyut taphumanga Apiqhuiyiralaat katimayianit (taiyauyuq tamnaunia Ilanga 4 Naunaiyainiq). Una naunaiyainiq iniqtauyuq ihumaliurutmun naliaknut kayuhinairianga pityuhiqnut uvaluniit nutqaqtitauluni tamna Tuhaqhityut atuqhugit tahapkuat maligait ihuaqhiyauni talvani nakataani 23 tamnalu 24 tapkunani Piquyat. Tapkuat Apiqhuiyiralaat qiniqtut naliaknik:

  • tapkuat huliniit aturiangi iluani qaniqtuk 2 ukiuk;
  • tamna pityut hugiaqtauyukhuania maliklugu ahii piquyat;
  • tamna unniqlut mikatauyanga, kangiqhimannaittuq uvaluniitpiyauyuq naamangittunik pityutinut;
  • tapkuat huliniit unniqlutauyut piyangi pihimanit atauhiugaluamit pittailitit pityutai;
  • takuukhauyuqagituq narugijutauyumik naunainiginikluniit ihuigiyauyunik naunaitumik piyaagani akihaqtuutimik; uvaluniit;
  • tamna Tukhiraqtuq pipkaqtaunia naamaktumik ihuaqhigiarutmik.

Tapkuat Apiqhuiyiralaat piqaqtitiniat titiraqhimayunik ihumaliurut taphumunga Ilanga 4 Nauniayaut tamatkiknut ilvit tamna Kiuyuq tamanlu Tukhiraqtuq. Tamna ihumaliurut piniaq naliaknut kayuhinia pityuhiqnut uvaluniit nutqaqtitaunia tamna Tuhaqhityut.

Ihuaqhigiaryut uvaluniit inungnik naalakvik

Pikpat Tuhaqhityutit kayuhinia tapkuat Apiqhuiyiralaat pilat uuktuqni ihuaqhiyaunia tamna Tuhaqhityut atuqhugit Naalaktitiyini ilauyut, ilikuuqtut agiqatiriiktitinahuat, ukualu / nunagiyauyumiluniit iniqnirit.

Naamakhiyarangat tapkuat Apiqhuiyiralaat aturahuaquyatit tamnalu Tukhiraqtuq piqatigikniq ihuaqhautinut ihuaqhaiyimun piqatitanut tapkuat Apiqhuiyiralaat uukturianga ihuaqhiyaunia tamna pityut.

Pikpat tamna pityut ihuaqhiyaunia tamnalu ihuaqhityut angirut piyaukpat, ilvit tamnalu Tukhiraqtuq piyalgit atuqni tapkuat ihuaqhityutit angirut tamnalu Tuhaqhityut iniqtuq.

Piitpat ihuaqhityutmik piyaunia, tapkuat Apiqhuiyiralaat atuqniaqtat titiqatigut, inungnik naalakvik taphumunga Tuhaqhityut. Tamna Apiqhuiyiralaat katimayi turaqviuhimaittuq iliknut uvaluniit tamna Tukhiraqtuq atuqtitlugu Tuhaqhityut naunaiyaqnilu pityuhit tiliuqtauniaq havarinianik tamna naalakvik. Talvani naalakvikmi, ilvit tqamnalu Tukhiraqtuq pipkailat naunaipkutaqnik atuqlugu piqpiaqtitauni qaitquiniqlu tautuktinik tapkuat tunihiniaqt naunaipkutaqnik atuqlugitauq tunihini naunaipkutat atuqlugu piqpiaqtitauni, taimattauq apiqhuiyitut maligaqnut. Titiqat atuqtaulaqmiyut naunaipkutauni naalakvikmi. Ilvit tamnalu/uvaluniit tamna Tukhiraqtuq piqalat hapunniaqtimik naalakvikmi.

Kinguagut naalakvik naunaipkutat qanirutitlu iliknit tamnalu Tukhiraqtuq, tapkuat Apiqhuiyiralaat ihumaliuqniat naliaknut ihuinaqtauniq uvaluniit pittiangitauniq aturiakha qanuqlu piyukhaunia ihuaqhigiaqnia tamna qanuritniq.

KIngulliqpaq titiraqhimayuq ihumaliurut

Tamna titiraqhimayuq ihumaliurut piyauyuq titiraqni tapkuat naunaipkutit tuhaqtauyut qanuqlu tamna maligaq atuqtauyanga. Pikpat tamna ihumaliurut naunaiqni piqarianga ihuinaqtauniq uvaluniit pittiangitauniq, tapkuat Apiqhuiyiralaat aturiaqaqtitilat piqatauyumik taphuminga:

  • Akiliqnia tamna ihuinaqtauyuq manikmik utiqviuni ihuinaqtauniqmun uvaluniit pittiangitauniq;
  • nutqaqtitnia pittailinia havariyanga uvaluniit pittailinia atuqtaunianik hivunikhami;
  • havarinia havagutit tamaita havagut hugiaqnianut tamna ihuinaqtauniq, mamiahukniraqniq;
  • uvaluniit piyauni tamaita ahii ihuaqhigiarutit huliniit tapkuat Apiqhuiyiralaat ihumagiyat naamakni.

Aturiaqaquni tapkuat Apiqhuiyiralaat aturiaqaqtitni tapkunani Nunavut Apiqhuiyit Apiqhuiyini.

Tamna Tuhaqhityut pityuhiq hatqiumayuq uumani atuqtauni titiqat.