ᖃᓄᖅ ᑐᓴᖅᑎᑦᑎᓯᒪᓕᕈᑎᓂᒃ ᑐᓂᓯᓯᒪᓕᖅᐸᓐᓂᕐᒧᑦ
ᐋᖅᑮᓯᒪᓕᖁᔨᓂᕐᒥᒃ ᕿᓂᓕᖅᓯᒪᓗᓂ ᐃᒃᐱᓐᓂᐊᒍᑎᒃᑯᑦ ᐊᒻᒪᓗ ᐊᒃᓱᕈᕐᓇᖅᑐᓂᒃ ᐊᑐᓕᕐᕕᐅᔪᓐᓇᕐᒪᑦ ᑕᒪᐃᓐᓄᑦ ᐱᓕᕆᓂᖃᖃᑕᐅᔪᓄᑦ ᑭᓯᐊᓂᓗ ᓈᓚᒃᑎᒋᔭᐅᔪᑦ ᐊᒃᓱᕈᕈᑎᖃᖅᓱᑎᒃ ᑐᑭᒧᐊᒃᑎᐅᓕᕆᐊᖅᐸᑦᑐᑦ ᐱᓕᕆᐊᖑᕙᓪᓕᐊᔪᓂᒃ ᐅᐱᒍᓱᑦᓯᐊᖅᓱᑎᒃ, ᓇᒡᓕᒍᓱᓐᓂᖃᑦᓯᐊᖅᑑᓪᓗᑎᒃ ᐊᒻᒪᓗ ᐃᖅᑲᓇᐃᔭᖅᑎᒻᒪᕆᐅᓪᓗᑎᒃ ᐱᓕᕆᓂᖃᕐᓂᕐᒥᓐᓂ.
ᓯᕗᓪᓕᕐᒥ ᖃᐅᔨᒋᐊᕈᑎᒋᓗᒍ ᑎᒥᖁᑎᒋᔭᕗᑦ ᐃᓕᓐᓄᑦ ᐱᔪᓐᓇᐅᑎᖃᖅᑐᓪᓗᑎᒃ ᐃᑲᔪᖅᑎᒃᓴᐅᓇᔭᕐᒪᖔᑕ.
ᐃᓚᐃᓐᓈᖅᑎᑕᐅᓯᒪᓇᓱᒋᒍᕕᑦ ᐅᕝᕙᓘᓐᓃᑦ ᐸᕝᕕᓵᖅᑕᐅᓯᒪᓇᓱᒋᒍᕕᑦ ᓄᓇᕗᒻᒦᑎᓪᓗᑎᑦ ᐅᑭᐅᒃ ᒪᕐᕉᒃ ᐊᑐᖅᐸᓪᓕᐊᓯᒪᓂᖏᓂ,ᑐᓴᖅᑎᑦᑎᔭᕆᐊᖃᖅᐳᑎᑦ ᓄᓇᕗᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᓕᕆᓂᕐᒧᑦ ᓈᓚᒃᑎᖏᓂᒃ. ᒐᕙᒪᑐᖃᒃᑯᑦ ᐱᓕᕆᕝᕕᒋᔭᖏᓂᒃ ᐅᕝᕙᓘᓐᓃᑦ ᑲᑐᔾᔨᖃᑎᒌᒋᔭᖏᓂᒃ ᐱᔾᔪᑎᖃᖅᑐᓂᒃ ᐃᓱᒪᓕᐅᕈᑎᓕᐅᖅᐸᖖᒋᑦᑐᒍᑦ. ᓄᓇᕗᒻᒥ ᑭᒃᑯᑐᐃᓐᓇᓄᑦ ᐱᔪᓐᓇᐅᑎᓕᕆᓂᕐᒧᑦ ᓈᓚᖕᓂᖃᖅᑎᒋᔭᖏᓐᓄᑦ ᐊᓪᓚᕝᕕᐊᓂ ᓴᓪᓕᖅ ᓄᓇᓕᖓᓐᓃᑉᐳᖅ. ᑐᓴᖅᑎᑕᐅᔪᓐᓇᖅᐳᒍᑦ ᑐᓴᒐᔅᓴᖁᑎᒋᔭᑦᑎᓐᓂᒃ ᑐᒃᓯᕋᕐᕕᐅᓗᑕ ᐊᒻᒪᓗ ᑐᓴᖅᑎᑦᓯᓯᒪᓕᕈᑎᑦ ᑕᑕᑎᕆᐊᓕᓐᓂᒃ ᐱᓯᒪᓕᕐᓗᑎᑦ ᐱᓕᕆᐊᖑᕙᓪᓕᐊᓂᒃᓴᖓ ᐱᒋᐊᖅᑎᑕᐅᓯᒪᓕᕐᓂᐊᕐᒪᑦ.
ᓄᓇᕗᒻᒥ ᑭᒃᑯᑐᐃᓐᓇᓄᑦ ᐱᔪᓐᓇᐅᑎᖏᓂᒃ ᓈᓚᒃᑎᐅᔪᑦ ᑭᒃᑯᑐᐃᓐᓇᐃᑦ ᐱᔪᖕᓇᐅᑎᖏᓐᓄᑦ ᐃᖅᑲᓇᐃᔭᖅᑎᖓᑦ ᐅᖄᓚᕝᕕᐅᔪᓐᓇᕐᑐᖅ ᐅᕙᓂ 1-866-413-6478 ᐊᑭᖃᖖᒋᑦᑐᒃᑯᑦ.
ᐃᓱᒪᒍᕕᑦ ᐃᓚᐃᓐᓈᖅᑎᑕᐅᓚᐅᕐᓂᕐᓂᒃ ᒐᕙᒪᑐᖃᒃᑯᑦ ᐱᓕᕆᕝᕕᖓᓂᑦ ᐅᕝᕙᓘᓐᓃᑦ ᑲᑐᔾᔨᖃᑎᒌᖏᓂᑦ ᑕᒪᒃᑯᐊ ᐊᐅᓚᑦᓯᓂᖃᕐᕕᐅᒻᒪᑕ ᑲᓇᑕᒥᐅᑦ ᑭᒃᑯᑐᐃᓐᓇᓄᑦ ᐱᔪᖕᓇᐅᐅᑎᖏᓄᑦ ᒪᓕᒐᖁᑎᖏᓐᓂᑦ, ᓄᓇᕗᒻᒥ ᑭᒃᑯᑐᐃᓐᓇᓄᑦ ᐱᔪᖕᓇᐅᑎᖏᓄᑦ ᒪᓕᒐᖁᑎᐅᔪᓂᐅᖖᒋᑦᑐᖅ. ᐃᓚᖏᑦ ᐆᒃᑐᕋᐅᑎᒋᔭᐅᔪᓐᓇᖅᑐᑦ ᐃᓚᖃᕐᐳᑦ ᑮᓇᐅᔭᒃᑯᕝᕖᑦ, ᖃᖓᑕᒨᖅᑎᓕᕆᔩᑦ, ᐅᑯᐊ telecommunications companies, ᐅᖄᓚᐅᑎᑎᒍᑦ ᑲᒻᐸᓂᒋᔭᐅᔪᐃᑦ, ᐸᓖᓯᒃᑯᑦ ᐅᕝᕙᓘᓐᓃᑦ ᒐᕙᒪᑐᖃᒃᑯᓐᓂ ᒐᕙᒪᐅᔪᑦ ᐃᖅᑲᓇᐃᔭᕐᕕᖏᑦ.
ᑲᓇᑕᒥᐅᑦ ᑭᒃᑯᑐᐃᓐᓇᓄᑦ ᐱᔪᓐᓇᐅᑎᖏᓄᑦ ᑲᑎᒪᔨᕐᔪᐊᒃᑯᑦ ᐅᖄᓚᐅᑎᑎᒍᑦ ᑐᓴᖅᑎᑕᐅᓯᒪᓕᕈᓐᓇᖅᐳᑦ ᐅᕙᓂ 1-888-214-1090 ᐊᑭᖃᖖᒋᑦᑐᒃᑯᑦ.
ᑐᓴᖅᑎᑦᑎᓯᒪᓕᕈᑎᓐᓂᒃ ᑐᓂᓯᓯᒪᓕᕈᒪᕗᖓ.
ᐃᓱᒪᒍᕕᑦ ᐃᓚᐃᓐᓈᖅᑎᑕᐅᓯᒪᓂᕐᓄᑦ ᐅᕝᕙᓘᓐᓃᑦ ᐸᕝᕕᓵᖅᑕᐅᓯᒪᓂᕐᓄᑦ ᑐᖖᒐᕝᕕᒋᓗᒋᑦ ᐃᓚᖓᓄᑦ ᒪᓕᒐᖁᑎᐅᒥ ᐱᔾᔪᑎᖃᕐᓯᒪᓂᕐᓄᑦ ᐅᖃᖅᑕᐅᓯᒪᓪᓗᑎᒃ, ᐃᓗᐃᒃᑲᐅᓗᒋᑦ ᑕᑕᑎᕆᔭᕆᐊᖃᖅᐳᑎᑦ ᑐᓴᖅᑎᑦᑎᓯᒪᓕᕈᑎᓂᒃ ᑕᑕᑎᕆᐊᓕᓐᓂᒃ (ᐊᒧᔭᐅᔪᓐᓇᖅᑐᑦ ᑕᑕᑎᕆᐊᓖᑦ ᐊᒧᓗᒋᑦ ᒫᓐᓇ) ᐊᒻᒪᓗ ᑐᓂᓯᒪᓕᕐᓗᒋᑦ ᑭᒃᑯᑐᐃᓐᓇᐃᑦ ᐱᔪᓐᓇᐅᑎᖏᓐᓄᑦ ᓈᓚᖕᓂᖃᖅᑎᒋᔭᖏᓐᓄᑦ ᐊᓪᓚᕝᕕᐊᓂᒃ. ᑐᓴᖅᑎᑦᑎᓯᒪᓕᕈᑎᑦ ᑕᑕᑎᕆᐊᓕᐅᒻᒪᑕ ᐃᓗᐃᒃᑲᐅᓗᒋᑦ ᑕᑕᑎᖅᑕᐅᔭᕆᐊᖃᖅᓱᑎᒃ ᐃᓄᒻᒥᑦ (ᑐᒃᓯᕋᐅᑎᖃᖅᑐᒥᑦ) ᐅᖃᖅᓯᒪᓪᓗᓂ ᐃᓚᐃᓐᓈᖅᑎᑕᐅᓯᒪᓂᕐᒥᓄᑦ.
ᑐᓴᖅᑎᑦᑎᓯᒪᓕᕈᑎᑦ ᑕᑕᑎᕆᐊᓕᓐᓂᑦ ᐊᐱᕆᔭᐅᓂᐊᕋᕕᑦ ᒪᑯᓂᖓ ᓇᓗᓇᐃᔭᐃᓯᒪᓕᖁᔭᐅᓗᑎᑦ:
- 1ᑭᓇᒧᑦ ᖃᓄᐃᓕᔭᐅᓯᒪᕕᑦ?
- 2ᖃᓄᖅ?
- 3ᓇᓪᓕᐊᒍᑦ ᖃᓄᐃᑦᑕᕆᐊᖃᖖᒋᓐᓂᕐᒥᒃ ᐃᓚᐃᓐᓈᖅᑕᐅᓯᒪᒐᕕᑦ?
- 4ᓱᓕ ᑕᐃᒪᓐᓇᐃᖃᑦᑕᖅᐸᑦ?
- 5ᑭᓇ ᐊᓯᒋᔭᐃᑦ ᑕᒪᑐᒥᖓ ᖃᐅᔨᒪᕙ ᐅᕝᕙᓘᓐᓃᑦ ᑕᑯᓐᓇᓚᐅᖅᐸ?
- 6ᖃᓄᖅ ᐊᒃᑐᖅᑕᐅᓯᒪᓂᖃᕐᕕᒋᓕᓚᐅᖅᐱᐅᒃ?
- 7ᖃᓄᖅ ᐋᖅᑭᒃᑕᐅᓯᒪᓕᕈᓐᓇᖅᐸ?
ᑐᓴᖅᑎᑦᑎᓯᒪᓕᕈᑎᓂ ᐊᐱᖅᑯᓯᐅᒻᒪᑦ ᓇᓪᓕᐊᓄᑦ ᐃᓚᖓᓄᑦ ᐱᔾᔪᑎᖃᕐᒪᖔᑕ ᐃᓚᐃᓐᓇᖅᓯᒪᕝᕕᕿᓂᕐᓄᑦ ᐅᕝᕙᓘᓐᓃᑦ ᐸᕝᕕᓵᖅᑕᐅᓯᒪᓂᕐᓄᑦ ᑐᖖᒐᕝᕕᖃᖅᓱᑎᒃ (ᓲᕐᓗ ᓇᑭᖖᒑᖅᓯᒪᓂᖅ, ᑎᒥᒃᑯᑦ ᐃᓱᒪᒃᑯᓪᓘᓐᓃᑦ ᐊᔪᕈᑎᖃᖅᑑᓂᕐᓄᑦ, ᐊᖑᑎᐅᓂᖓ/ᐊᕐᓇᐅᓂᖓᑕᓘᓐᓃᑦ ᐊᓯᖏᓂᒃᓗ). ᐊᑕᐅᓯᑐᐃᓐᓇᒥᒃ ᓂᕈᐊᖅᖠᓯᒪᔭᕆᐊᖃᖖᒋᑦᑐᑎᑦ ᐊᒥᓲᔪᓐᓇᖅᑐᑦ ᑭᓯᐊᓂᓗ ᐊᑕᐅᓯᕐᒥᒃ ᓂᕈᐊᖅᓯᒪᔭᕆᐊᖃᖅᐳᑎᑦ ᐱᔾᔪᑎᐅᔪᒥᒃ. ᓇᓗᓇᐃᔭᐃᓯᒪᔭᕆᐊᖃᖅᐳᑎᑦ ᓈᒻᒪᒋᖖᒋᓕᖅᓯᒪᔭᑎᑦ ᖃᓄᐃᑕᐅᓚᐅᕐᓂᕐᓄᑦ ᓇᓪᓕᐊᓄᑦ/ᓇᓕᖏᓐᓄᑦ) ᑐᖖᒐᕝᕕᖃᖅᑎᒻᒪᖔᕐᓃᑦ (ᐊᑕᕝᕕᖃᕐᒪᖔᑕ) ᐱᔾᔪᑎᐅᔪᒧᑦ ᐅᕝᕙᓘᓐᓃᑦ ᐱᔾᔪᑎᐅᔪᓄᑦ.
ᖃᓄᐃᑦᑐᑐᐃᓐᓇᓂᒃ ᑎᑎᕋᖅᓯᒪᔪᖁᑎᓂᒃ ᐃᑲᔪᕈᑎᐅᔪᓐᓇᖅᓱᑎᒃ ᖃᓄᐃᑕᐅᓯᒪᓂᕐᓄᑦ ᐃᓕᔭᐅᓯᒪᖃᑕᐅᔭᕆᐊᖃᖅᐳᑦ ᑐᓴᖅᑎᑦᑎᓯᒪᓕᕈᑎᓐᓄᑦ. ᐱᕕᒃᓴᖃᕐᓂᕈᕕᓪᓗ, ᒪᓕᒐᓕᕆᔨᒥᑦ ᐃᑲᔪᖅᑎᒃᓴᕆᓕᕋᔭᖅᑕᕐᓂᒃ ᐱᓯᒪᓕᕆᐊᖃᕆᕗᑎᑦ. ᐃᒻᒪᖄᓗ ᐊᓯᓐᓂᒃ ᐃᓄᓐᓂᒃ ᐃᓚᒋᔭᕐᓂᒃ ᐅᕝᕙᓘᓐᓃᑦ ᓄᓇᖅᑲᑎᒋᔭᕐᓂᑦ ᐃᑲᔪᖅᑎᖃᕐᓗᑎᑦ ᑐᓴᐅᒪᖃᑦᑕᐅᑎᓕᕆᓂᕐᓂ ᓈᓚᒃᑎᒋᔭᐅᔪᑦ ᐊᓪᓚᕝᕕᐊᓐᓂᒃ.
ᖃᕆᑕᐅᔭᑎᒍᑦ ᑕᑕᑎᕆᐊᓖᑦ ᐊᒻᒪᓗ ᑐᑭᒧᐊᒍᑎᒃᓴᐃᑦ ᐊᒧᓯᒪᓕᕐᓗᒋᑦ
ᑕᑕᑎᕆᐊᓖᑦ ᐊᒻᒪᓗ ᑐᑭᒧᐊᒍᑎᒃᓴᐃᑦ ᖃᕆᑕᐅᔭᑎᒍᑦ ᐊᑖᓂ ᐱᑐᒃᓯᒪᕝᕕᖓᓂᑦ ᐊᒧᔭᐅᔪᓐᓇᖅᐳᑦ, ᐊᒻᒪᓗ ᐊᑐᐃᓐᓇᐅᑎᑕᐅᒋᓪᓗᑎᒃ ᓈᓚᒃᑎᒋᔭᐅᔪᑦ ᐊᓪᓚᕕᖓᓂᑦ ᑐᒃᓯᕋᖅᑕᐅᓗᑎᒃ.
- 2014 2015 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2013 2014 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2012 2013 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2011 2012 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2009 2011 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2008 2009 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2007 2008 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2006 2007 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2005 2006 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- ᓈᓚᑦᑎᑎᓂᐊᕐᓗᑎᒃ ᓄᓇᕗᒻᒥᑦ ᑭᒃᑯᑐᐃᓐᓇᐃᑦ
- ᑐᑭᒧᐊᕈᑎᒃᓴᖓᑦ ᓯᕗᓪᓕᖅᐸᒥᒃ
- ᐊᖏᖃᒌᖕᓂᕐᒧᑦ ᐊᑐᖅᑕᐅᔪᒃᓴᑦ – ᐅᖃᓕᒫᒐᕋᓛᑦ ᐊᒧᓗᒋᑦ
- ᑭᐅᔨᐅᔫᑉ ᒪᓕᒐᒃᓴᖏᑦ
- ᒪᓕᒐᐃᑦ ᐊᑐᖅᑕᐅᔭᕆᐊᓖᑦ
- ᓄᓇᕗᒻᒥᑦ ᐃᓄᓕᒫᑦ ᐱᔪᓐᓇᐅᑎᖏᓐᓄᑦ ᐱᖁᔭᖅ
-
ᓯᕗᓪᓕᖅᐹᒥᒃ ᑐᓵᔭᐅᔪᒪᓂᕐᒧᑦ ᑐᒃᓯᕋᐅᑎᒃ
- ᐱᖅᑕᐅᖁᔨᔾᔪᑎ
- ᑭᐅᔭᐅᔪᒪᓂᕐᒧᑦ ᑐᒃᓯᕋᐅᑎᒃ
- ᓱᓇᐅᕙᑦ ᓄᓇᕗᒻᒥᑦ ᑭᒃᑯᑐᐃᓐᓇᐃᑦ?
- ᖃᐅᔨᒃᑲᐃᔾᔪᑎᓕᐅᕐᓂᕐᒧᑦ ᒪᓕᒋᐊᓖᑦ
- ᖃᐅᔨᒃᑲᔾᔪᑏᑦ
- 2015 2016 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- 2016 2017 ᐊᕐᕋᒍᖓᓂᑦ ᑐᓴᖅᑎᑦᑎᔾᔪᑎ
- ᓱᓇᐅᒻᒪᑕ ᓴᐳᔾᔨᔨᒋᔭᐅᔪᑦ?
ᖃᓄᖅ ᑐᓂᓯᓯᒪᓕᖅᐸᒍᓐᓇᕐᓂᖅ
ᑕᑕᑎᕆᐊᓖᑦ ᑕᑕᑎᖅᑕᐅᔪᓐᓇᖅᐳᑦ ᐅᖃᖅᐸᓪᓕᐊᑎᓪᓗᒍ ᑎᑎᕋᖅᑕᐅᕙᓪᓕᐊᓗᑎᒃ ᐅᕝᕙᓘᓐᓃᑦ ᑎᑎᕋᖅᓯᒪᔪᑎᒍᑦ ᐊᒻᒪᓗ ᓇᓕᑐᐃᓐᓇᖏᑎᒍᑦ ᐃᓕᑕᕆᔭᐅᓯᒪᓪᓗᑎᒃ ᐅᖃᐅᓯᖅᑎᒍᑦ ᓄᓇᕗᒻᒥ. ᑎᑎᖅᑲᓂᐊᕐᕕᒃᑎᒍᑦ, ᓱᒃᑲᔪᒃᑰᕈᑎᑎᒍᑦ, ᐅᕝᕙᓘᓐᓃᑦ ᖃᕆᑕᐅᔭᑎᒍᑦ ᐊᐅᓪᓚᖅᑎᑕᐅᔪᓐᓇᖅᐳᑦ ᓈᓚᒃᑎᒋᔭᐅᔪᑦ ᐊᓪᓚᕝᕕᐊᓄᑦ ᑐᕌᖅᑎᓪᓗᒋᑦ ᓈᓚᒃᑎᒋᔭᐅᔪᑦ ᐊᓪᓚᕝᕕᒻᒥ ᐃᓱᒪᑕᐅᔪᒧᑦ. ᐃᓚᐅᑎᓪᓗᒋᑦ ᑐᓴᖅᑎᑦᑎᓯᒪᓕᕈᑎᑦ ᑐᓂᔭᐅᓯᒪᖃᑕᐅᔪᓐᓇᖅᐳᑦ ᐊᔾᔨᖏᑦ ᐱᔾᔪᑎᒋᓯᒪᓗᑎᑦ ᑐᓴᖅᑎᑕᐅᓯᒪᓪᓗᑎᑦ ᐊᖏᕈᑎᖃᖅᓯᒪᓂᕐᓄᑦ.
Nunavut Human Rights Tribunal
PO Box 15
Coral Harbour, NU X0C 0C0
ᐅᖄᓚᐅᑎᖓᑦ: (ᐊᑭᖃᖖᒋᑦᑐᒃᑯᑦ): 1-866-413-6478
ᓱᒃᑲᔪᒃᑰᕈᑎᖓᖓᑦ: (ᐊᑭᖃᖖᒋᑦᑐᒃᑯᑦ): 1-888-220-1011
ᖃᕆᑕᐅᔭᑎᒍᑦ: nunavuthumanrights@gov.nu.ca
“ᐱᓕᕆᓂᖃᖅᑎᐅᔪᑦ”
ᑭᐅᔨᒋᔭᐅᔪᖅ ᐃᖅᑲᓇᐃᔭᖅᑎᐅᕗᖅ ᐃᓄᒃ ᐅᕝᕙᓘᓐᓃᑦ ᑲᑐᔾᔨᖃᑎᒌᖑᔪᑦ ᑕᐃᔭᐅᓯᒪᔪᑦ ᑐᓴᖅᑎᑦᑎᓯᒪᓕᕈᑎᒋᔭᕐᓂ ᖃᓄᐃᓕᐅᖅᓯᒪᓂᕋᖅᑕᐅᓪᓗᓂ ᐃᓚᐃᓐᓈᖅᑎᑦᑎᓯᒪᓂᕐᒧᑦ ᐅᕝᕙᓘᓐᓃᑦ ᐸᕝᕕᓵᖅᓯᒪᓂᕋᖅᑕᐅᓪᓗᓂ. ᓈᒻᒪᖖᒋᑦᑐᑎᒍᑦ ᖃᓄᐃᑕᐅᓯᒪᓐᓂᕈᕕᑦ, ᐳᐃᒍᖅᑕᐃᓕᓂᐊᖅᐳᑎᑦ ᐅᖃᖅᓯᒪᔾᔪᑎᒋᓂᐊᕐᓗᒋᑦ ᓇᓂᑐᐃᓐᓇᖏᑦ ᑲᑐᔾᔨᖃᑎᒌᖑᔪᑦ ᖃᓄᐃᑎᑦᑎᓯᒪᓕᕈᓐᓇᖅᑐᑦ (ᓲᕐᓗ, ᖃᓄᐃᑕᐅᓯᒪᓂᑎᑦ ᐃᖅᑲᓇᐃᔮᕆᔭᐃᑦ ᐱᔾᔪᑎᒍᓪᓗᒍ, ᐅᖃᖅᓯᒪᖃᑕᐅᔭᕆᐊᖃᕋᓐᓂ ᑲᑐᔾᔨᖃᑎᒌᖑᔪᑦ ᐃᖅᑲᓇᐃᔭᕐᕕᒋᔭᖅᐱᑦ ᐊᑎᖓᑦ).
ᐃᒡᕕᑦ (ᑐᒃᓯᕋᐅᑎᖃᕐᑐᖅ) ᐊᒻᒪᓗ ᑭᓇᑐᐃᓐᓇᖅ ᑕᐃᓯᒪᔭᐃᑦ ᑭᐅᔨᒋᔭᐅᓂᖓᓄᑦ ᑕᐃᔭᐅᕙᒃᑲᑦᓯ ᐱᓕᕆᓂᖃᖅᑐᒃ ᑐᓴᖅᑎᑦᑎᓯᒪᓕᕈᑎᓂ.
ᖃᓄᖅ ᐱᓕᕆᓂᖃᕐᕕᐅᓕᕋᔭᖅᐸᑦ ᑐᓂᓯᒪᓕᐊᓂᒃᑕᒃᑲ ᑐᓴᖅᑎᑦᑎᓯᒪᓕᕈᑏᑦ?