Qanuriliniaqa tunihilraqtitlunga taphuminga Tuhaqnityut?

Tunihitaqhimaguvit tuhaqhitiknik, atuqtakhaq hivulliq inirtuq. Uumani makpiraq titiqtai tapkuat ilagiyai taphuma tuhaqhityut pityuhit havariyai tapkuat Nunavut Inungnut Pilarutit Apiqhuiyiralaat.

Titiraq naunaiyaqtauyuq

Apiqhuiyiralaat havaktit naunaiyaqniaqta Tuhaqhityutit piqpiariakha tapkuat piyalgit tuhagakhat piqaqtitnit piqaqtitauyakhai tapkuatut:

  • turarut tuhagakhaq taphumunga Tukhiraqtuq tamnalu Kiuyuq;
  • tamna titiraq sainiqhimayanga;
  • tamaita unniqtuttiaqni qanuriliniq, ilautitlugu qanuqtut turangayanga atauhiqmun uvaluniit ilavalliqhugit tapkuat pittailitit pityutai;
  • ikayuqhiutitit titiqat; tamnalu
  • piyaqaranga uvaluniit tukhirauyarangat, titiqat kipuktaunit uqauhiqmun tapkuat Piqatauyut aturumayai;

Tukhiqtaukpat, tapkuat Apiqhuiyiralaat ihuaqhilaqtat kipuktagauni titiqat ahianut aturialik uqauhiq.

Kiuyuq kiulaq

Ayyikkuta taman Tuhaqhit tuyutauyuq talvunga inungmun(nut) uvaluniit havakvik titiqtuq tamnaunia Kiuyuq talvani Tuhaqhityut. Tamna Kiuyuq pilaqtutilik kiunianik tamna Tuhaqhityut.

Tamna Kiuyuq iniqhiyalik taphuminga Kiutyut taphumunga Tuhaqhityut tattiqvik utiqtitlugulu talvunga Apiqhuiyiralaat Aapisia. Tamna Kiuyuq piqaqtitauvaktuq 60 ublut kiuyanga.

Piyauhimaliqat tamna Kiuyup Kiutyuta taphumunga Tuhaqhityutit tapkuat Apiqhuiyiralaat tuniyat ayyikkutanik iliknut.

Naunaiyainiq

Tamna Tuhaqhit tamnalu Kiutyut naunaiyaqtauyut taphumanga Apiqhuiyiralaat katimayimin (taiyauyuq tamnaunia Ilanga 4 Naunaiyaut). Una naunaiyaut iniqtauyuq ihumaliurianga naliak kayuhiniariakha pityuhit uvaluniit ahivaqtaunia tamna Tuhaqhityut atuqhugit maligait ihuaqhihimayut nakataani 23 tamnalu 24 tapkunani Piquyat. Tamna Apiqhuiyiralaat takuyai naliak

  • tapkuat huliniit aturiangi talvani kingullikni 2 ukiuk;
  • tamna pityut huliyauyukhaq maliklugit ahii piquyat;
  • tamna unniqlut mikkatak, kangiqhimannaittuq uvaluniit naamangittumik pityutilgit;
  • tapkuathuliniit unniqlutauyut pihimayut atauhiugaluamin pittailitit pityutai;
  • takuukhauyuqagituq narugijutauyumik naunainiginikluniit ihuigiyauyunik naunaitumik piyaagani akihaqtuutimik; uvaluniit;
  • tamna Tukhiraqtuq pivikhaqaqtitauyuq naamaktumik ihuaqhigiarut.

Tapkuat Apiqhuuiyiralaat piqaqtitiniat titiraqhimayunik ihumaliurut taphumunga Ilanga 4 Naunaiyaut tamatkiknut ilvit tamnalu Tukhirqtuq tamanlu Kiuyuq. Tamna ihumaliurut piniaq naliaknut kayuhinia pityuhiqnut uvaluniit ahivaqtauluni Tuhaqhityutit.

Ihuaqhigiaqrut uvaluniit inungnik naalakvik

Pikpat Tuhaqhityutit kayuhinia tapkuat Apiqhuiyiralaat pilat uuktuqni ihuaqhiyaunia tamna Tuhaqhityut atuqhugit Naalaktitiyini ilauyut, ilikuuqtut agiqatiriiktitinahuat, ukualu / nunagiyauyumiluniit iniqnirit.

Naamagangat tapkuat Apiqhuiyiralaat pinahuaqtitniaqtatit tamnalu Kiuyuq piqatigikniq ihuaqhaiyimun piqaqtitauyuq tapkunanga Apiqhuiyiralaat uuktuqnianik ihauqhiyaunia tamna pityut.

Pikpat tamna pityut ihuaqhiyaunia tamnalu ihuaqhityut angirut piyaukpat, ilvit tamnalu Kiuyuq piyalik atuqnit tamna ihuaqhityut angirut tamnalu Tuhaqhityutit inirtuq.

Ihuaqhityutmik piyuqangitpat, tapkuat Apiqhuiyiralaat atuqtitniaqta titiqatigut, inungnik naalakvik taphumunga Tuhaqhityutit. Tamna Apiqhuiyiralaat katimayi tamna turaqtauhimaittuq iliknut uvaluniit tamna kiuyuq atuqtitlugu Tuhaqhityut naunaiyaqnialu pityuhiq tiliuriniaq atuqtaunianik tamna naalakvik. Talvanmi naalakvikmi, ilvit tamnalu Kiuyuq tunihilat naunaipkutaqnik atuqhugu nakuaturniq qaitquilutiklu tautuktinik tapkuat tunihiyuttauq naunaipkutinik nakuatuqlutik, taimattauq apiqhuiyit maligaqnut. Titiqat atuqtaulaqmiyut naunaipkutauni talvani naalakvik. Ilvit tamnalu/uvaluniit tamna Kiuyuq piqalat hapunniaqtimik talvani naalakvik.

Kingulliqpaq titiraqhimayuq ihumaliurut

Kinguagut naalakvik naunaipkutat tapkuatlu qanirutauni iliknit tamnalu Kiuyuq, tapkuat Apiqhuiyiralaat ihumaliuqniat naliaknut ihuinaqtauyakhait uvaluniit pittiangitauniq, qanuqlu piyukhaunia ihuaqhigiaqnia tamna qanuritnia.

Tamna titiraqhimayuq ihumaliurut piyauyuq titiqhugit tapkuat naunaipkutat tuhaqtauyut qanuqlu tamna maligaq atuqtauyanga. Pikpat tamna ihumaliurut naunaiqagu piqarianga ihuinaqtauniq uvaluniit pittiangitauniq, tapkuat Apiqhuiyiralaat aturiaqaquilat piqatauyumik taphuminga:

  • akiliqnia tamna ihuinaqtauyuq manikmik utiqviuninik taphumunga ihuinaqtauniq uvaluniit pittiangitauniq;
  • nutqaqtitnia tamna pittailit havarinia uvaluniit pittailinia aturianganik hivunikhami;
  • havarinia havagut tamaat havaguta hugiaqnianut tamna ihuinaqtauniq; uvaluniit
  • piyauni kitutliqak ahii ihuaqhigiarutit huliniit tapkuat Apiqhuiyiralaat ihumagiyai nakuatuqnit.

Aturiaqaqtitni tapkuat Apiqhuiyiralaat aturiaqaqtitauyut tapkunani Nunavut Apiqhuiyini Apiqhuiyit.

Tamna Tuhaqhityut pityuhiq hatqiumayuq uumani atuqtauni titiqat.